‘जात्रै जात्रा’ को ट्रेलर सार्वजनिक

नेपाली कथानक चलचित्र ‘जात्रै जात्रा’को ट्रेलर सुक्रवार सार्वजनिक भएको छ । सुपर हिट फिल्म जात्राको सिक्वेलका रुपमा आएको ‘जात्रै जात्रा’ जेठ ३ गतेबाट दर्शकहरुले हेर्न पाउने छ । उक्त चलचित्रको ट्रेलरमा विपिन कार्की, वर्षा राउत, दयाहागं राई, रविन्द्र सिंह बानिया, रविन्द्र झा लगायतका कलाकारहरु फिचराइज छन् । जात्रामा करोडौँ रुपैयाँ भेटेका ति चर्चित पात्रहरुले जात्रै जात्रामा भने सुन भेटेपछि त्यसको सेरोफेरोमा घुमेको कथा निकै रोमाञ्चक देखिन्छ ।

चलचित्रमा रविन्द्र सिंह बानियाँ,विपिन कार्की,बर्षा राउत,रबिन्द्र झा, प्रकाश घिमिरेलगायतका कलाकारहरुको मुख्य भूमिका रहेको छ । सिङ्गे लामा र यादव पौडेल निर्माता रहेको चलचित्रको कार्यकारी निर्माता रविन्द्र सिंह बानिया हुन् । जात्रा र शत्रु गतेको निर्देशन गरेर वाहवाही पाएका प्रदिप भट्राईले निर्देशन गरेको चलचित्रमा शिवराम श्रेष्ठको सिनेमोटोग्राफी रहेको छ ।