मलेशियामा भईरहेको ACC EASTERN REGION U19 को फाईनलमा हङकङको विरुद्ध नेपाल अहिले टस जितेर बलिङ गरीरहेको छ । सेमिफाईनलमा आयोजक देश मलेशियालाई ७ विकेटले पराजित गरेको थियो । उता अर्को सेमिफाईनलमा ९ विकेटको क्षतिमा हङकङले दिएको २४८ रन पछ्याउन आएको सिङ्गापुर २८.३ ओभरमा ५ विकेट गुमाउँदै DLS अन्तर्गत ५१ रनले पराजित भयो ।

फाईनलमा छनौट हुने महत्वपूर्ण खेलमा यस सिरिजमा अविजित रहेको नेपाल विरुद्ध मलेशिया कुनैपनि समय नेपाली बलरहरुका सामू स्थिर रहन सकेनन् । ४०.५ ओभर खेल्दै मलेशियाले दिएको ८८ रनको लक्ष्य नेपालले १५.५ ओभरमैं केवल ३ विकेटको क्षतिमा ९० रन जोड्दै बिजयी भएको थियो । समूह विजेता नेपालले यस अघिका सबै खेलहरुमा उत्कृष्ट नतिजा निकाल्दै अविजित रहेको छ । पहिलो खेलमा १० विकेटले चिनलाई पराजित गरेको नेपालले २१७ रनको ठूलो अन्तरले सिङ्गापुरलाई पराजित गरेको थियो ।

ACC EASTERN REGION U19 नेपाल Vs हङ्कङ फाईनल LIVE