नइ भावि पुरस्कार स्थापना


नइ प्रकाशनले समाजसेवीद्वय भागीरथा प्रसाई र विष्णुभक्त प्रसाईका सम्मानमा “नइ भावि पुरस्कार” को स्थापना गरेको छ ।

एक लाख रूपियाँ राशिको “नइ भावि पुरस्कार” विज्ञान तथा प्रविधिक्षेत्रमा उत्कृष्ट योगदान दिने एक जना प्रसिद्ध व्यक्तित्वलाई ताम्रपत्रका साथ हरेक वर्ष प्रदान गरिने छ ।

विष्णुभक्त प्रसाईले नइ प्रकाशनको अक्षयकोषका लागि बाह्र लाख रूपियाँ प्रदान गर्नु भएको छ ।

स्मरणरहोस् प्रसाईले २०१६ सालमा तेह्रथुमको आठराई सक्रान्ति बजारमा सर्वप्रथम कम्युनिष्ट पार्टीको झण्डा गाड्नु भएको थियो । साथै २०२९ सालको झापा आन्दोलनका प्रमुख पात्रमध्येका शिवप्रसाद शिवाकोटी र रामनाथ दाहालको सहयोगीका रूपमा उहाँले काम गर्नु भएको थियो ।

नइ प्रकाशनमा २९ वटा पुरस्कार रहेका छन् । यस संस्थाको अक्षयकोषमा दुई करोड पैंतालीस लाख रूपियाँ रहेको छ ।

नइ प्रकाशन सामुदायिक रूपमा परिचालित गैरराजनीतिक संस्था हो ।


नरेन्द्रराज प्रसाई
सदस्यसचिव
नइ प्रकाशन


Loading comments...