Lifestyle Portal
  •   ८ माघ २०७८, शनिबार

मेरा लेन्सले रुचाएका केही तस्विरहरु- निर्मल श्रेष्ठ

२ भाद्र २०७६, सोमबार १३:२२

निर्मल श्रेष्ठ, भदौ २, काठमाण्डौ । जीवन न हो, मोड मोडमा अनेक थरी रहर पलाउँछन, धेरै त गर्भमै निमोठिएर विलिन हुन्छन, केहीले मात्र फक्रने फुल्ने मौका पाउँछन । मेरा अनेकौं मध्येको एउटा रहर फोटोग्राफी पनि थियो । मलाई लाग्थ्यो, यो सब्बैभन्दा सजिलो काम हो, तर यो त अत्यन्तै सतही बुझाई रहेछ । जबसम्म निर्जिव क्यामरा र सजिव मन एकआपसमा जोडिदैनन तबसम्म फोटोले जिवन नपाउँदोरहेछ, त्यो त केवल फोटो मात्र हुन्छ, ‘सुगन्धविहिन’ । मलाई लाग्छ एउटा सुन्दर तस्विर मनले खिचिन्छ, क्यामरा त फगत एउटा औंजार मात्र हो । सुन्दर दृष्यले सबैको ध्यान खिच्नु स्वभाविक नै हो । तर त्यसलाई क्यामरामा कैद गरी अरुको ध्यान खिच्न सक्नु भने त्यति सहज नरहेछ । लेखनलाई जिवन्त बनाउन फोटोको भूमिका कति महत्वपूर्ण र बलियो हुन्छ, डेढ दसक लामो पत्रकारिता यात्रामा तब थाहा लाग्यो । जब मेरा गुरु फोटो पत्रकार विकास रौनियारलाई हङकङ पत्रकार संघले फोटो पत्रकारिता तालिमका लागि त्यहाँ निम्त्यायो । देश विदेश भ्रमणका क्रममा धेरै फोटोहरु खिच्ने अवसर मिल्यो । त्यसमध्ये केही तस्बिरले आज ‘विश्व फोटोग्राफी दिवस’, का दिन मेरो आफ्नै समेत ध्यान खिच्यो । आज यि तस्बिर इतिहास बनिसके । तर यो वाक्याशं सम्झदा मन हरर हुन्छ ‘इतिहास जो कहिल्यै मर्दैन’।

‘विश्व फोटोग्राफी दिवस’, को सम्पूर्ण फोटोप्रेमीहरूलाई शुभकामना दिदै विभिन्न कालखण्डमा मैले खिचेका केही तस्विरहरू केवल लाईभमाण्डू मार्फत राख्न चाहे !!!




हङकङस्थित भिक्टोरिया पार्कमा आयोजित पुष्पमेलामा सजाइएका रंगीविरंगी फुल । आइतबार सकिएको दस दिने मेला करिब पाँच लाखले अवलोकन गरेका थिए । पछिल्लोसमय चीनले पुष्प व्यवसायमा समेत राम्रो बजार ओगेटेको छ । सन २०१२ मा चीनको दक्षिणीपूर्वी फुजियान प्रान्तबाट मात्र करिब ५५ करोड अमेरिकी डलरको फुल निर्यात भएको स्थानीय सरकारलाई उद्रित गर्दै हालै स्थानीय अंग्रेजी दैनिक चाइना डेलीले जनाएको छ ।

‘स्टिल बल’ मा ब्रुस ली सालिकको प्रतिबिम्ब । हङकङस्थित ‘एभिन्यु अफ स्टार्स’ मा प्रतिस्थापित उक्त सालिक हङकङ भ्रमणमा आउने पर्यटकहरूका लागि आकर्षण बनेको छ । सन १९४० नोभेम्बर २७ मा जन्मिएका विश्वविख्यात ली चर्चा र सफलताको चरमउत्कर्षमा रहेकै बेला आजकै दिन सन १९७३ जुलाई २० मा हङकङस्थित एक सहपाठीका घरमा मृत फेला परेका थिए । उनको मार्शल आर्ट कला वर्षौपछि समेत उत्तिकै प्रसिद्ध छ ।
हङकङस्थित ‘एभिन्यु अफ स्टार्स’ मा प्रतिस्थापित बु्रस ली सालिकको तस्बिर लिदै पर्यटक । विश्वविख्यात लीको सालिक हङकङ भ्रमणमा आउने पर्यटकहरूका लागि आकर्षण बनेको छ । सन १९४० नोभेम्बर २७ मा जन्मिएका ली चर्चा र सफलताको चरमउत्कर्षमा रहेकै बेला आजकै दिन सन १९७३ जुलाई २० मा हङकङस्थित एक सहपाठीका घरमा मृत फेला परेका थिए । उनको मार्शल आर्ट कला वर्षौपछि समेत उत्तिकै प्रसिद्ध छ ।


तस्विरहरुः निर्मल श्रेष्ठ

प्रतिक्रिया दिनुहोस !
Loading comments...
सम्बन्धित खबरहरु

भारतीय राजदूतावास, काठमाडौंले मिति २०७८ पौष २६ गतेका दिन होटल र्‍याडिसनमा विश्व हिन्दी दिवसको आयोजना गर्यो । सन् १९७५ जनवरी

नेपाल विश्वकर्मा सेवा समितिको ५औँ राष्ट्रिय सम्मेलन सप्तरीमा सम्पन्न भएको छ। कार्यक्रममा लोहार जातीको इतिहास, सामाजिक उत्पिडन र लोहार जातिको

काठमाडौं । श्रम, रोजगार तथा सामाजिक सुरक्षामन्त्री कृष्णकुमार श्रेष्ठले दक्ष जनशक्ति निर्माण गरी युवाका लागि नेपालमै उपयुक्त वातावरण बनाउने सरकारको

काठमाडौं । कांग्रेस महामन्त्री गगन थापाले ४० प्रतिशत मत ल्याउने पक्षलाई पाखा पारेर निर्वाचनमा कसरी पहिलो पार्टी बनाउनुहुन्छ भन्दै प्रश्न