प्रसाई दम्पतीबाट नइलाई ६ लाख

इन्जिनियर दम्पती दीपकराज प्रसाई र जुली प्रसाईले नइ प्रकाशनको अक्षयकोषका लागि थप ३ लाख रूपियाँ प्रदान गरेका छन् ।

‘नइ धनरूप पुरस्कार’ अविच्छिन्न समर्पणका लागि इन्जिनियरद्वय दीपक जुलीबाट नइ अक्षयकोषका लागि ६ वर्षअघि ३ लाख रूपियाँ प्राप्त भैसकेको थिय‍ो ।

नइ प्रकाशनले ‘नइ धनरूप पुरस्कार’ को राशि पनि गत वर्षदेखि एक लाख रूपियाँ पुर्याएको छ ।

इन्जिनियर दम्पती रूपनारायण प्रसाई तथा धनमाया प्रसाईका छोरा बुहारी हुन् ।

नइ प्रकाशनमा विभिन्न दानवीरहरूले विविधक्षेत्रमा पुरस्कार स्थापनार्थ अक्षयकोषका लागि रकम प्रदान गर्दै आएका छन् ।

नइ प्रकाशनले विविध कार्यक्रमका साथै वार्षिक लगभग १५ लाख रूपियाँ राशिसम्मका पुरस्कार देशदेशान्तरका प्रतिभाहरूलाई नियमित रूपमा समर्पण गर्दै आएको छ ।

२०५२ सालमा स्थापित नइ प्रकाशन सामुदायिक रूपमा परिचालित गैरराजनीतिक संस्था हो ।

(नरेन्द्रराज प्रसाई)
सदस्यसचिव
नइ प्रकाशन