Lifestyle Portal
  •   १४ माघ २०७८, शुक्रबार

उधोगपती बसन्त चौधरीको कविता: आफैं विरुद्ध

१३ भाद्र २०७६, शुक्रबार १०:५४

सम्झनाको उर्लदो भेलमा
तिमी बगेर आउँछौ
संगै बसेर पिएको कफी
संगसंगै छुटेका पदचापको
मधुर आवाज
र,
पोखिइरहन्छन्
आँखाका ओठबाट,
उष्ण बोकेका गह्रौं आँसुहरु !

हो,
तिम्रो सम्झनाको
उर्लदो भेलमा
तिमी बनेर छाउँछौ
मृदु स्मृति
र,
डराई भाग्छ निद्रा
तिमी मुस्काएर भर्छौ मन
र,
हराएर जान्छ झझल्को
त्यही भेलमा बग्दा बग्दै
वियोगको ढुङ्गामा ठोक्किएर
पटक पटक रक्ताम्य म
तिमीलाई बोकेका
यी आँखाका डिलबाट
घाइते खसिरहेको छु !

बाँध बाँध्न नसक्दा
सम्झनाको भेल
मेरो संसार तहस नहस छ
असमर्थ र विक्षिप्त म
तिम्रो स्मृतिसंग युद्धरत
शंखघोष गर्ने,
साहस जुटाइरहेकोछु
पटक पटक,
आफैं विरुद्ध युद्धको !

प्रतिक्रिया दिनुहोस !
Loading comments...
सम्बन्धित खबरहरु

कामाडौं । नगर विकास कोषले उत्कृष्ट सेवाग्राहीलाई पुरस्कृत गर्ने भएको छ । कोषले एक सूचना प्रकाशित गदै आफ्नो ३४ औ

भारतको ७३ औं गणतन्त्र दिवसको अवसरमा भारतीय राजदूतावासको रक्षा प्रभागले ‘स्वतन्त्रताको अमृत महोत्सव – Azadi ka Amrit Mahotsav’ अन्तर्गतको कार्यक्रमको

भारतीय राजदूतावास, काठमाडौंले मिति २०७८ पौष २६ गतेका दिन होटल र्‍याडिसनमा विश्व हिन्दी दिवसको आयोजना गर्यो । सन् १९७५ जनवरी

नेपाल विश्वकर्मा सेवा समितिको ५औँ राष्ट्रिय सम्मेलन सप्तरीमा सम्पन्न भएको छ। कार्यक्रममा लोहार जातीको इतिहास, सामाजिक उत्पिडन र लोहार जातिको