Lifestyle Portal
  •   ८ माघ २०७८, शनिबार

तीज: भगवती बस्नेत

१६ भाद्र २०७६, सोमबार १७:१३

आयो तीज घुमेर चाड गतिलो आनन्द मीठो छरी
आस्था निर्मल पार्नमा सफल होस् सद्भावनानै भरी ।
आकांक्षा सुकिला बनून् सुमनका सत्कर्म राम्रो गरी
आशीर्वाद दिऊन् सदा शिवउमा नारी बनून् मन्जरी

।।१।।

मान्छे सज्जन हुन् सधैं समझले जाउन् धरीत्री तरी
मानौं शंकरशैलजा दिल दिई श्रद्धा गरी बेसरी ।
मागौं सदगुण सत्यता शुभ हुने हामी बनी जाँगरी
आऊन् धार्मिक धारणा सहजले यो चाड होस् सुग्घरी

।।२।।

पूजामा स्तुतिमा समर्पित बनौं यो तीज होस् सुन्दर
प्रेमी बन्न सकौं तमोगुण हटून् पाई उमाशंकर ।
प्रार्थीमा प्रियता पलाउन सकून् कल्याणका ख़ातिर
पाखण्डीपन दूर होस् अनि पुगून् यी होडबाजी पर

।।३।।

ढाँचा ढोँग घमण्ड रीस सकिऊन् प्रज्ञा बनोस् पावन
राम्रा संस्कृति सभ्यता सब बचून् संस्कार होस् सत्धन ।
आऊन् धार्मिक धारणा चहकिला राम्रो बनोस् पूजन्
हामीमा सहभाव हुन् अति धनी यो पर्व होस् कन्चन

।।४।।

नारीको प्रिय मुख्य मान्य रसिलो हो तीज नेपालमा
हुन्छन् नाच र गान भव्य यसमा संगीतको तालमा
बस्छन् बर्त गरेर भक्ति महिला आनन्दको साथमा
कोही माइतमा गएर ममता छर्छन् उमानाथमा

।।५।।

केही मन्दिरमा गएर शिवको गर्छन् समाराधना
स्वामी सज्जन हून् सुखी वर दिनू भन्छन् गरी प्रार्थना ।
कोही चै घरमै बसेर शिवको गर्छन् गुनी सम्झना
आउने दिनमा सधैं सुखद होस् यो तीजको तिर्सना

।।६।।

© कवीः भगवती बस्नेत

प्रतिक्रिया दिनुहोस !
Loading comments...
सम्बन्धित खबरहरु

भारतीय राजदूतावास, काठमाडौंले मिति २०७८ पौष २६ गतेका दिन होटल र्‍याडिसनमा विश्व हिन्दी दिवसको आयोजना गर्यो । सन् १९७५ जनवरी

नेपाल विश्वकर्मा सेवा समितिको ५औँ राष्ट्रिय सम्मेलन सप्तरीमा सम्पन्न भएको छ। कार्यक्रममा लोहार जातीको इतिहास, सामाजिक उत्पिडन र लोहार जातिको

काठमाडौं । श्रम, रोजगार तथा सामाजिक सुरक्षामन्त्री कृष्णकुमार श्रेष्ठले दक्ष जनशक्ति निर्माण गरी युवाका लागि नेपालमै उपयुक्त वातावरण बनाउने सरकारको

काठमाडौं । कांग्रेस महामन्त्री गगन थापाले ४० प्रतिशत मत ल्याउने पक्षलाई पाखा पारेर निर्वाचनमा कसरी पहिलो पार्टी बनाउनुहुन्छ भन्दै प्रश्न