लघु ब्यवसाहीहरुको प्रदर्शनी मेला

साना तथा मझौला ब्यवसाही महाँसघंको आयोजनामा यहि आँउदो भाद्र १९ देखि २३ सम्म काठमाण्डु भृकुटिमण्डपमा लघु ब्यवसाहीहरुको प्रर्दशनी मेला आयोजना हुने भएको छ । देशको अर्थतन्त्रमा टेवा दिन र स्वरोजगारीको श्रृजनामात्र नभई स्थानीय श्रोत साधनको उपयोग र स्थानीय उत्पादनको प्रवर्धनमा पनि यस प्रकारका मेलाहरुको बिशेष भूमिका रहने मेला आयोजना कार्यक्रमका संयोजक अमित उपाध्यायले बताए । सांस्कृतिक समुह रकसिद्धिका चेयरमेन पनि रहेका उपाध्यायका अनुसार अब मेलाका सम्पूर्ण तयारी अन्तिम अवस्थामा पुगेको र लघु ब्यवसाह प्रवर्धनका लागि सयौं ब्यवसाह र स्टलहरु मेला मार्फत सबैको अगाडि ल्याउने कार्य सुसम्पन्न हुनेमा आयोजक निश्चित छन् ।

कार्यक्रमका अर्का संयोजक रबिन थापाका अनुसार ब्यवसाहीहरुको उत्साह र सबैजनाको हौसलाले गर्दा आफूहरु निकै उत्साहित रहेको र यस प्रकारका मेलाहरु ब्यवसाह प्रवर्धनका लागि निकै जरुरी भएको बताएका छन् । उक्त मेलाको स्टल व्यबस्थापनको कार्यभार चाँही बिजनेश फर्मुलाका प्रकाश लामीछाने ले गरेका छन् ।

यस मेला आयोजनामा ट्रेड प्रमोशन एण्ड एक्सपोर्ट सेन्टर नेपाल अर्थात ब्यापार निकासी तथा प्रवर्द्धन केन्द्र , कामना बिकास बैंक, ईसेवा लगायत अन्य बिभिन्न संघ संस्थाहरुको सहयोग रहेको बताइन्छ । यस मेलाको अनलाइन मिडिया पार्टनर भनें लाइभमाण्डु रहेको छ ।

लाइभमाण्डु