विश्वकप फुटवल २०२२ को लोगो सार्वजनिक


कतारमा हुने विश्वकप फुटवल २०२२ को लागो सार्वजनिक भएको छ । राजधानी दोहामा यो लोगो सार्वजनिक गरिएको हो । यूनेस्को सम्पदा सूचीमा रहेका कतारका भव्य प्राचिनतम महलहरुमा लाखौं दर्शकका सामु यो लोगो सार्वजनिक भएको हो, इनबेल्म अर्थात पहिचान चिह्नका रुपमा पनि यस लोगोलाई लिन सकिन्छ ।

बुर्ज दोहा, कतारा कल्चरल भिलेज, सुक वकिफ र अल जुब्राह फोर्टमा यस इन्बेलमको सार्वजनिक कार्यक्रम रहेको थियो । सेप्टेम्बर ४ सन् २०१९ को स्थानीय समयअनुसार ८ बजेर २२ मिनेटमा यी सबै ठाँउहरुमा यस लोगो देखाइयो । यसका साथै विश्वका अन्य २३ मुख्य शहरहरुमा यि लोगो देखाउने कार्यक्रम थियो । मुम्बई, पेरिस, मस्को, भेनिस, जोहान्वर्ग, सियोल, लण्डन लगायत थुप्रै शहरका मुख्य ठाँउमा हिजो लोगो विश्वकप फुटवल २०२० को लोगो देखाइयो । यस लोगोमा विश्वकप आयोजना हुने कतारका ८ रंगशालाको प्रतिनिधित्व हुने गरि ८ अकंलाई जोड दिएर मरुभूमिको संस्कृति झल्किने रंग प्रयोग गरिएको बताइन्छ ।

नोभेम्बर २१ २०२२ देखि डिसेम्बर १८ सन् २०२२ सम्म यो प्रतियोगीता आयोजना हुनेछ । डिसेम्बर १८ चाँही कतारका राष्ट्रिय दिवस पनि हो ।


Loading comments...