ईजिप्टका पूर्वराष्ट्रपतिका छोराको अल्पायूमै मृत्यु

ईजिप्टका शक्तिशाली नेता एवं प्रभावशाली पूर्वराष्ट्रपतिमोहम्मद मोर्सीका कान्छा छोराको अल्पायूमै मृत्यु भएको छ । उनी केवल २४ वर्षका थिए, गाडी चलाइरहँदा एक्कासी श्वासप्रश्वाँसमा अफ्ठेरो भएको केहि समयभित्रै उनको मृत्यु भएको थियो । मोहम्मद मोर्सीको पनि राजधानी कायरोमा यसै वर्ष जुन महिनामा शंकास्पद मृत्यु भएको थियो । उन्का पुत्र अव्दुल्लाहले बुवाको असामहिक मृत्युलाई हत्या मान्दै धेरै ईजिप्टियन नेता, कर्मचारी र सुरक्षाअधिकारी बिरुद्धमा किटानी जाहेरी नै दिएका थिए । ईजिप्टमा होसनी मुवारकको एकतन्त्री शाषन समापन संगै सन् २०१२ को स्वतन्त्र चुनावबाट जितेका मोर्सीलाई एक वर्ष पछि सेनाले सत्ता बदल्दै पक्राउ गरेर राखेको थियो ।मोर्सी र उन्का छोरा अव्दुल्लाहको मृत्युले अहिले ईजिप्टमा एकखाले मौनता र षडयन्त्रको आशंका छाएको छ ।

मधुमेहका बिरामी मोर्सीलाई कारागारमा उपचार गर्न समेत नदिई स्वास्थमा असर गर्ने खानेकुरा र रहनसहनमा रहन बाध्य पारिएको भनी आरोप समेत राइट्स ग्रुपले लगाएको पाइन्छ । के मोर्सीको आकस्मिक मृत्यु पछि उन्का छोरा र समर्थक अव्दुल्लाहको २४ वर्षमै हृदयाघातका कारणले भएको मृत्यु पनि सामान्य हो त ?
यसविषयमा ईजिप्टमा निकै हल्लाखल्ला छ ।

लाइभमाण्डु