सन २०१३ मा उत्कृष्ट बैंक अवार्ड प्राप्त गर्न सफल यस एन आइ सी एसिया बैंकले ग्राहकहरुको सुविधालाइ मध्ये नजर गर्दै थप एक नयाँ शाखाबाट सुविधा प्रदान गर्ने भएको छ । बुटवल उपमहानगरपालिका वडा नं-११, रुपन्देही स्थित देवीनगर शाखाको एन आई सी एशिया बैंक प्रदेश नं. ५ का प्रादेशिक कार्यालय प्रमुख श्री जयन्द्र रावलज्यूबाट मिति २०७५ मंसिर ६ गते भव्य समारोहका बिच समुद्घाटन सु–सम्पन्न भएको छ ।

हाल सम्म मुलुकभर २६६ शाखा कार्यालयहरु, २७४ एटिएम, ३७ वटा एक्सटेन्सन काउण्टर एवं १८ वटा शाखा रहित बैंकिङ्ग कार्यलय मार्फत बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल  भएको छ । बैंक विगत २१ बर्ष देखि नियमित रुपमा नेपाली जनताहरुलाइ सुविधा प्रदान गर्दै आइरहेको छ । करिव १३ लाख ५० हजार नियमित ग्राहक भएको यस वैंक आधुनिक बैंकिङ्ग सुबिधा प्रदान गर्न अग्र स्थानमा रहेको छ । यस वैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा कार्यालय संचालन गर्ने योजना अगाडि सारेको छ ।