लण्डनका मेयर सादिक खान


१८ औं अनि १९ औं शताव्दीमा कहिले घाम नअस्ताउने बेलायत साम्राज्यको शक्ति केन्द्र लण्डन कुनै जमानामा उपनिवेश देशहरुका वासिन्दाका लागि एउटा दिवास्पन झैं थियो । अहिले त्यसै लण्डन शहरमा चुनिएका छन् एकजना मेयर, सादिक खान । सादिक खान केहि वर्ष अघि लण्डनका मेयरका रुपमा चुनिएका हुन्, उन्का काम र निर्णयले उनीलाई थप चर्चित बनाइरहेको छ । विश्वभरिका हतियार कम्पनीहरुले लण्डनमा सर्वाधिक ठूलो हतियार मेला आयोजना गर्दछन् तर यस वर्ष भनें मेयरले उक्त मेलालाई लण्डनमा आयोजना हुन रोकिदिएका छन् । मेयरले आफूले एउटा आधिकारिक पत्र लेखेर रक्षा अता रक्षा सामाग्री मन्त्रालयमा पठाएका हुन् ।

यस हतियार मेलाको बिरुद्धमा लण्डनवासीले बिरोध कार्यक्रम र र्यालीहरु पनि निकालेका थिए, मेयरले यि सबै प्रदर्शन र जनभावना बुझ्दै हतियार मेला आयोजना नगर्न निर्णय गर्नुपर्ने बताएका छन् । अमेरिका, बेलायत र यूएईको उक्त मेलामा बिशेष पभिलियन रहने बताइएको थियो, यूएई र साउदीले यमनको हाउथी बिद्रोही गरेका श्रखलागत आक्रमणमा ९१ हजारको मृत्यु भएको छ । उक्त हतियार साँठगाँठलाई संयुक्त राष्ट्र संघले विश्वकै सर्वाधिक ठूलो ह्यूम्यानिटेरियन क्राइसिस मानेको छ । फेरि यूएई र साउदीले नै सन् २०१५ देखि बेलायतसंग हतियारको ६ दशमलव २ बिलियन अमेरिकन डलरको लाइसेन्स पनि लिएका हुन् । यमन लगायत मध्यपूर्व अनि अफ्रिकाका धेरै देशहरुमा भएको युद्ध र बिद्रोहमा पूर्ति हुने हतियार बेलायती प्रविधि अन्तर्गत बेलायतको लाइसेन्सड हतियार हुने बताइन्छ । हतियारको यस ब्यापारमा हतियार मेलाको प्रभावकारितालाई लण्डनका मेयरले रक्तपातपूर्ण र जनभावना बिपरित देखेका हुन् ।
लेवर पार्टीका सादिख खान सन् २०१६ बाट शहरका मेयर हुन् । उनी लेवर पार्टीका सदस्य हुन् र सामाजिक डेमोक्र्याटका रुपमा यिनलाई चिनिन्छ ।  उनी बेलायती पाकिस्तानी परिवारका हुन् ।

लाइभमाण्डु


Loading comments...