नेपालका फोटो संगालेको डिजिटल डोको

फोटो नेपाल गत ४ वर्षदेखि नेपाल पर्यटन वोर्डले आयोजनागर्ने फोटो प्रदर्शनी हो, यस प्रदर्शनीमा बिभिन्न ठाँउ बिशेष, संस्कृति र समुदाय बिशेष अनि देश बिशेषबाट आएका बिदेशी पाहुनाका क्यामराको लेन्समा कैद भएका फोटाहरु प्रदर्शनीमा राखिन्थे ।

फोटोले नेपाल झल्काउने यी प्रर्दशनीमा अनेकन पटक स्वदेशी बिदेशी फोटोग्राफरका तस्वीर र ति तस्विरका कथाहरु झल्काइएका थिए । कहिले चीनीयाँ त कहिले बेल्जियन, कहिले भक्तपुर त कहिले मुस्तागंका अनेकन फोटा र कथाहरुलाई फोटो नेपालले लिएर आएको थियो । अहिले आएर नेपाल झल्काउने फोटाहरु अनि नेपालको फोटो खिच्ने बिदेशी तथा स्वदेशी फोटोग्राफरहरुलाई एउटा डिजीटल थलोका रुपमा फोटो नेपाललाई ल्याइएको छ । फोटोनेपाल डट ट्राभलमा http://photonepal.travel/ मा गएर कुनै पनि फोटोग्राफरले आफ्नो प्रोफाईल रजिस्टर गरेर निशुल्क या कपीराइट कसरी फोटो अपलोड गर्ने र के को फोटो भन्ने बिवरण खुलाएर विश्व समक्ष आफ्नो फोटो पस्कन सक्ने भएको छ । यसो गर्दा अन्य कसैलाई नेपालको यात्रा, संस्कृति, संस्कार, चाडवाड लगायतका फोटोहरु चाहिएमा फोटो नेपाल मार्फत ति फोटोहरु खोज्न र फोटोग्राफरसंग समबन्ध राख्न सकिने भएको छ ।

नेपाल पर्यटन बोर्ड भृकुटीमण्डपको भवनमा आज एक समारोहका बिच संस्कृति तथा पर्यटन मन्त्रीले यस डिजिटल फोटोको डोकोको शुभारम्भ गर्नुभएको थियो ।
नेपाल संग सम्बनधीत हरेक खाले फोटो र फोटोग्राफरको साझा थलोमा नेपाल संग समबन्धीत हरेक फोटोग्राफरलाई आफूलाई रजिष्टर गर्न र फोटो चाहने हरेकलाई त्यहाँवाट फोटो खोज्दै नेपालको बास्तविक झझल्को दिने तस्वीरहरु प्राप्त गर्न या अपलोड गर्न नेपाल पर्यटन वोर्डले आव्हान पनि गरेको छ ।

लाइभमाण्डु