लघुकथाः बालबोली

म अन्तिम पिरियडमा ४ कक्षामा थिएँ । मेरो स्वास्थ अलि ठिक थिएन। दाँतको समस्याले गाला भुक्क सुनिएको थियो । बोल्न सक्ने अवस्थामा थिइन् । मैले विद्यार्थीलाई आफै पढ्न आग्रह गरेँ ।
सबैले मन लगाएर पढिरहेका थिए।तर ती मध्ये एक छात्रले पढ्नै छोडेर पटकपटक मलाई कारुणिक नजरले हेर्यो । ऊ हाम्रै बिद्यालयको अमृता म्यामको छोरा थियो।
मलाई अचम्म लाग्यो र सोधेँ । `बाबु के भयो तिमीलाई ?´
उसले भन्यो। `म्याम ,हजूरको श्रीमानले रक्सी खाएर पिट्नु हुन्छ ?´
`किन र बाबु ?´
`नत्र गाला कसरी सुनियो त ?´
`बाबु,मेरो दाँत दुखेको छ।´
ऊ मधुर स्वरमा बोल्यो।
`हजुरले पनि मेरो मम्मीले झैं ढाट्नुहुँदो रहेछ ।´
  – गङ्गा आचार्य