महामारीको बेला नाफामुखी नबनौं

१. आम जनसमुदायमा डेंगूबारे त्रास फैलिएको छ , तसर्थ पर्याप्त परामर्श दिने गरौँ |
२. महामारीको बेला ब्यापार नगरौं | यसको लागि थोरै मात्र मुनाफा लिएर डेंगू परिक्षण गरौँ | जनस्वास्थ्य प्रयोगशाला टेकुमा Blood CBC, Dengue Morphology को १५० + ५०० = ६५० रु मा जांच हुन्छ | निजी स्वास्थ्य संस्थाले धेरै महँगो लिएको पाइएको छ | सकभर रु १००० /- सम्म परिक्षण गरौँ |
३. ज्वरो आउँदा फार्मेसीबाट Ibuprofen मिसिएको औषधि दिने आम परम्परा छ | flexon, brucet, paraflam, panoflam etc दिने नगरौं | यो औषधिले रगत पातलो बनाउने हुँदा रक्तश्राब भएर बिरामीको मृत्यु समेत हुन सक्छ | Paracetamol मात्र दिने गरौँ |
४. डेंगू भाइरल रोग हो | तसर्थ Antibiotic प्रयोग गर्नु नपर्ने बिरामीलाई Antibiotic बिक्रि नगरौं |
५. बिरामीलाई उपचारको साथै झुल प्रयोग गर्न, आराम गर्न तथा प्रशस्त झोल पदार्थ सेवन गर्न सल्लाह दिने गरौँ |
६. भर्ना गर्न आबश्यक नभएको बिरामीलाई घरमै बस्न सल्लाह दिने गरौँ |
७. आफुलाई थाहा नभएको बिषयमा बिरामीलाई सल्लाह दिएर भ्रमित नगरौं |
८. उपचार मात्र हैन, स्वास्थ्य सम्बर्धन र रोकथामका बारे यथेष्ट सूचना दिने गरौँ |
Dr. Rabindra Sameer