दिल्लीमा प्रदुषण नियन्त्रण गर्न निजी कारहरुको जोर बिजोर संख्या प्रणाली लागु

आउने नोभेम्बर महिनाको ४ देखि १५ तारिखसम्म भारतको राजधानी दिल्लीमा निजी कारहरुलाई जोर बिजोर प्रणाली अन्र्तगत चल्न दिइने भएको छ । विश्वकै सर्वाधिक प्रदुषित राजधानीहरुमा भारतको राजधानी नयाँ दिल्ली अग्रपंक्तिमा आउने मध्य एक हो, हिँउदको शुरुवातसंगै त्यहाँ वायू प्रदुषण अत्यन्त बढ्ने भएकाले यसो गरिने भएको बताइन्छ । शुक्रवारका दिन दिल्लीका मुख्य मन्त्री अरविन्द केजरीवालले सञ्चारमाध्यमहरुलाई यो प्रणाली लागु गर्ने कुरा बताए ।

हुन त सन् २०१६ मा पनि यो प्रणाली लागु गरिएको थियो, यस प्रणाली अन्र्तगत गाडीको लाइसेन्स प्लेटको नम्बर अनुरुप जोर र बिजोरलाई बैकल्पिक दिनमा चल्न पाउने छुट दिइन्छ । मुख्यमन्त्री केजरिवालका अनुसार शिघ्र दिल्लीमा १००० बढि बिधुतिय बसहरु पनि ल्याइनेछ । दिल्लीमा अहिले सुलभ मेट्रो रेलहरुको ब्यापक सुविधा छ यद्धपि दिल्लीवासीहरुको निजि सवारीसाधनको मोह अन्य शहरको तुलनामा उल्लेखनिय रुपमा धेरै रहेको बताइन्छ । यसका साथै हिँउदको समयमा सरकारले नै दिल्लीमा निशुल्क मास्क उपलब्ध गराउने पनि मुख्यमन्त्रीले बताए ।

विश्व स्वास्थ संगठनका अनुसार विश्वकै सर्वाधिक प्रदुषित १८ शहरहरुमध्य १४ शहरहरु चाँही भारतको उत्तरी भागका शहरहरु पर्दछन् र दिल्ली ति शहरहरुको पनि अग्रपंक्तिमा आँउदछ ।

लाइभमाण्डु