जब क्रिस्टियानो रोनाल्डो अन्तरवार्तामा रोए


बेलायतको एउटा टिभी च्यानलका चर्चित पत्रकार पियरस् मोर्गनले रोनाल्डोको अन्तरवार्ता लिइरहेका थिए र यो श्रृंखला मङलबार बेलायतमा प्रसारण हुनेछ । त्यसैक्रममा जब बितेका पिताका बारेमा रोनाल्डोसंग कुराकानी हुनथाल्यो तब उनले आँशु थाम्न सकेनन् । टिभी स्क्रिनमा रोनाल्डोका आँखा बुवालाई संझेर रसाएका देखिन्थे । मोर्गनले मदिरामा सधैं डुबिरहने पिताको भिडियो फुटेज लिएका थिए जुन उनले रोनाल्डोलाई देखाए । उक्त फुटेजमा रोनाल्डोका पिताले आफू जे जस्तो भए पनि छोरा प्रति आफूलाई गर्व रहेको बताएका थिए । यो फुटेज भने सन् २००४ कै हो र यसको केहि वर्षमा ५२ वर्षको उमेरमा उनका पिता कलेजोको खराबीलेगर्दा संसार त्यागेर गए । उतिबेला एउटा नर्वेजियन प्रेसले साना रोनाल्डोको ठूलो उपलव्धीका बारेमा उनका पितासंग यो फुटेज खिचेको थियो ।

यी सबै भिडियोहरु ‘गुड मर्निङ ब्रिटेन’ भन्ने टिभी कार्यक्रममा देखाइनेछ ।

रोनाल्डोलाई दु:ख के हो भनी प्रश्न गरियो जसमा उनले आफू विश्वकै सर्वाधिक उत्कृष्ट फुटवल खेलाडी भएर अवार्ड पाँउदा ताली बजाउन र हेर्न आफ्ना बुवा नहुनु नै सर्वाधिक दुख हो भनेको छन् । यस अन्तरवार्तामा आफ्नो प्रमिकासंगको समबन्ध र एकफेर अमेरिकामा आफूमाथि लागेको बलात्कारको आरोपका बिषयमा पनि रोनाल्डोले बोलेका छन् ।


लाइभमाण्डु


Loading comments...