देशभक्त रोहितलाई दस औंलाको नमस्कार

मंसिर ७, काठमाण्डौ । कुनै बेला हाम्रो राष्ट्रिय झण्डा फेर्नेबारे पनि संसदमा प्रस्ताव पुगिसकेको थियो । तर क. नारायणमान बिजुक्छें ‘रोहित’ले अडान लिइदिए र हामीले हाम्रो गौरवी झण्डा जोगाउन पायौं ।

स्मरण रहोस् गणतन्त्र नेपालको आगमनसँगै नेपाल प्रज्ञाप्रतिष्ठानको ऐन पनि परिवर्तन भई प्रतिष्ठानका आजीवन सदस्यको पद र भत्ता खारेजीमा परेको थियो । नइ प्रकाशनको निवेदनमा नेपाल मजदुर किसान पार्टी अथवा भनौं क.रोहितद्बारा नै व्यवस्थापिका संसदमा पहल गरी प्रतिष्ठानको ऐन सुधारेर आजीवन सदस्यको पद र भत्ताको पुनर्जन्म गराइएको थियो ।

त्यस बेला आजीवन सदस्य भन्नाले यस बेलाका झैं दलका खुरहरू हुँदैन थिए । शताब्दी पुरूष डा.सत्यम‍ोहन जोशी, राष्ट्रकवि डा.माधव घिमिरे, जनकविकेशरी धर्मराज थापा, श्यामदास वैष्णव, कृष्णचन्द्रसिंह प्रधान, ईश्वरवल्लभ, तुलसी दिवस जस्ता मात्र त्यति खेर प्राज्ञ हुन्थे ।

~
झण्डाको मात्र के कुरा र ! त्यस बेला देशकै नाउँ समेत फेर्न लागि सकेका थिए रे !