पोखरा फेवाताल किनाराको रातो डाँडा क्षेत्रको सडक भासिएको छ । गएराति परेको ठुलो बर्षातका कारण पोखराको लोकप्रिय स्थल पामे नजिकैको रातो डाँडाको सडक फेवातालमा भासिएको हो । सो क्षेत्रमा करिब 100 मिटर सडक भासिएकोछ । १० मिटर सडक भासिएर पहिरो गएको छ भने करिब ४० मिटर जसो सडक भासिएर खस्ने अवस्थामा पुगेको छ भने उक्त स्थानमा रहेको स्थानीयको घर समेत जोखिममा परेको छ ।

गएराति नै भासिएको स्थानमा कुनै संकेत वा रोकछेक नगर्दा सो क्षेत्रमा सडक दुर्घटनाको उच्च जोखिम समेत रहेको छ ।

सोहि भासिएको स्थान नजिकै केहि समय अघि करिब १० मिटर जसो भाग पहिरो गएको र त्यसलाई समेत मर्मत सम्हार नगरेको भन्दै स्थानियले गुनासो गरे ।

भिडीयो हेर्नुहोस्ः

तस्वीर तथा भिडियोः फ्रेण्ड्स टिभी