स्लोभाकियाले पायो प्रथम महिला राष्ट्रपति

बृहत रुपमा संस्थागत भ्रष्टाचार भएको देश स्लोभाकियामा भर्खरै महिला राष्ट्रपतिलाई चुनिएको छ। राष्ट्रपति जुजाना क्यापटुवा एक पर्यावरण रक्षामा लागेकी सामाजिक कार्यकर्ता र पेशाले अधिवक्ता हुन् ।

म आवाज विहिन स्लोकाभाकियनहरुको आवाज बन्न चाहन्छु, राष्ट्रपति जुजानाले आफ्नो प्रथम वक्तव्यमा राष्ट्रपतिका हैसियतले भनेंकी छिन् । अहिलेसम्मका राष्ट्रपतिहरुमध्य सर्वाधिक कम उमेरमा स्लोभाकियाकी राष्ट्रपति बन्न सफल जुजानालाई विश्वभरबाट बधाईको ओहिरो लागेको छ । एउटा रुढीवादी क्याथोलीकहरुको देशमा दुईजना बच्चाहरुकी डिभोर्स भएकी एकल महिला राष्ट्रपति हुनुमा निकै चर्चा र स्वागत भएको पाइन्छ । हुन त शाषनको डोर प्रत्यक्षरुपमा प्रधानमन्त्रीको हातमा भएतापनि स्लोभाकियामा राष्ट्रपतिले आवश्यक पर्दा शाषन हातमा लिएर नियन्त्रण गर्न र थुनछेक गर्न पाउने अधिकार छ ।

लाइभमाण्डु