यूरोपियन डाटा सेन्टरहरुमा गुगलले ३ बिलियन डलर लगानी गर्ने

गुगलका प्रमुख कार्यकारी अधिकृत सुन्दर पिचाईले अबको २ वर्ष भित्र गुगलले यूरोपका डाटा सेन्टरहरुमा ३ बिलियन अमेरिकी डलर लगानी गर्ने घोषणा गरेका छन् । यसका साथै गुगलले यूरोपको ईन्टरनेट संरचनामा सन् २००७ देखि गरेको लगानी बढेर १५ बिलियन यूरो हुनेछ, सुन्दर पिचाईले शुक्रवार एउटा पत्रकार सम्मेलनमा भनेंका छन् ।

फिनल्याण्डका प्रधानमन्त्री एन्टी रिनीसंगको हेलसिन्कीको भेटघाटमा पिचाईले यो कुरा बताएका हुन् । गुगलको यो लगानीले यूरोपका प्रतिवर्ष १३,००० जनालाई पूर्णकालिन जागीर प्रदान गर्न सक्षम हुनेछ जुन यूरोपियन यूनियनका लागि राम्रो कुरा हो, पिचाईले बताए ।
फिनल्याण्डको हमिना डाटा सेन्टरमा मात्र ६०० मिलियन यूरो गुगलले लगानी गर्दैछ । प्रधानमन्त्री रिनीले पनि आफ्नो देशमा हुने यो लगानी निकै उत्साहप्रद रहेको प्रतिक्रिया दिँदै गुगललाई धन्यवाद दिए ।

गुगलका अन्य यूरोपियन डाटा सेन्टर नेदल्याण्ड, आयरल्याण्ड र बेल्जियममा हुनेछ । यसका साथै पिचाईले गुगल अब भारी रुपमा लगानी नवीकरणीय उर्जामा गर्न चाहेको बताएका छन् ।

लाइभमाण्डु