एशियन मार्शल आर्टको महासचिवमा शर्मा

एशियन मार्शल आर्टसको सर्वोच्च निकाय एशियन मार्शल आर्टस गेम्स कमीटीको महासचिवमा नेपालका दिनेश शर्मा चुनिएका छन् । थाइल्याण्को बैंककमा विहिवार भएको एशियन मार्शल आर्टस गेम्स कमिटीको बैठकले शर्मालाई महासचिवमा चयन गरेको हो । अध्यक्षमा भारतका वि.के. भरत चयन भएका छन् । अन्य पदाधिकारीहरु जर्मनीमा रहेको विश्व मार्शल आर्टस गेम्स कमिटीको अन्तर्राष्ट्रिय हेडक्वाटर्ससंगको समन्वयमा एशियनमा अध्यक्ष र महासचिवले चयन गर्नेछन् ।

एशियन कमिटीमा भारत, नेपाल, बंगलादेश, अफगानिस्तान, पाकिस्तान, उज्वेकिस्तान, दुबई, रसिया, टर्कि लगायतका देश आबद्ध रहेका छन् ।
अन्तर्राष्ट्रिय रेफ्रि एवं मास्टर समेत रहेका शर्मा नेपाल तेक्वान्दो महासंघको अध्यक्ष एवं नेपाल राष्ट्रिय मार्शल आर्ट गेम्स महासंघका महाचिव हुन् ।