मैले खसोग्गी मारेको हैनः साउदी राजकुमार


साउदी अरबका डि फ्याक्टो शासक, राजकुमार अनि विश्वका एक चर्चित व्यक्ति, पत्रकार खसोग्गीलाई टर्कीमा हत्या गर्न लगाएको सबुत सहितको अभियोग खेपीरहेका छन् । भर्खरै अलजजिरामा साउदी अरबका शक्तिशाली राजकुमार मोहम्मद बिन सलमान अल साउदको अन्तरवार्ता छापिएको छ, आउनुहोस आज लाइभमाण्डुमा यस विषयमा कुरा गरौं ।

खसोग्गीमाथि भएको घटनाको म जिम्मेवारी लिन्छु किनभने उ साउदीमुलको हो र म यो देशको नेता हुँ र हत्या पनि साउदी सरकारी कर्मचरीबाट भएको देखिन्छ तर यस हत्यामा मेरो कुनै संलग्नता छैन, राजकुमार सलमानले बताए । उनी यूएसको सीबिएस नेटवर्कका लागि ६० मिनट लामो अन्तरवार्तामा थिए ।

राजकुमारका अनुसार यो घटना एउटा गल्ती थियो र अब त्यस्तो हुने छैन् । उता खसोग्गीकि प्रेमीका हेटिसे सेन्गीजले भनें राजकुमार सलमानको यो उत्तर विशुद्ध राजनैतिक भएको टिप्पणी गरेकी छिन् र उन्का अनुसार सलमानले विश्वलाई आफू साउदीका राजा भन्दा धेरै शक्तिशाली र प्रभावशाली भएको सन्देश दिइरहेका छन् भनी बताइन् । गत वर्ष अक्टोबर २मा खसोग्गीको टर्की ईस्तानाबुलमा बिवाह दर्ता गर्न साउदी बिभागमा पुगेका समयमा बिभत्स हत्या भएको थियो । सीआइए र अन्य पश्चिमा देशहरुका एजेन्सीले स्पष्ट रुपमा साउदी राजकुमारको प्रत्यक्ष समबन्ध रहेको प्रमाण भेटिएको जनाएका छन् ।

हत्यामा साउदी सरकारी कर्मचारीकै संलग्नता रहेको प्रश्नमा राजकुमारले आफ्नो सरकारको मातहतमा ३० लाख कर्मचारी रहेको र सबै कर्मचारीले आफ्नो दैनिकी आफूलाई थाहा नदिने र थाहा दिएपनि ब्यवहारीक रुपमा सुपरिवेक्षण गर्न असंभव रहेको हाँस्यास्पद र विवादित अभिव्यक्ति दिए । अमेरिकाको डिसीको अरब सेन्टरका प्रमुख अधिकृत खलिल जशनका अनुसार यस अन्र्तवार्ताले साउदी सरकारलाई अलिक खुकुलो र उदार त देखायो तर यस अन्र्तवार्ताले उत्तर भन्दा प्रश्न धेरै उब्जायो भनी प्रतिक्रिया जनाए । एउटा साउदी मूलका अमेरिकी पत्रकारको टर्कीमा बिभत्स हत्या भएको वर्ष दिन पुगिसक्दा पनि विश्व समुदाय मौन छ । केहि दिनमा खसोग्गीको हत्याको वर्ष दिन पुग्दैछ ।

लाइभमाण्डु


Loading comments...