Lifestyle Portal
  •   २१ श्रावण २०७८, बिहीबार

घर कत्रो हुनुपर्दछ ?

५ कार्तिक २०७६, मंगलवार ०६:४७

मान्छेको जिवन र उस्को बस्ने ठाँउको जमिन या ठाँउ बिचको समन्ध दिनानुदिन बिषयगत हुँदै गएको पाइन्छ । एउटा मान्छेलाई खुशी बन्न कति ठाँउ चाहिन्छ या अर्को हिसाबमा कति ठाँउमा बस्दा या स्वामित्व ग्रहण गर्दा एउटा मान्छे खुशी हुन सक्दछ ?

नेपाली समाजले घरलाई खुशी र सम्पतिको मुख्य कडिका रुपमा राखेको छ, के बास्तवमा नै ठूलो घर नै खुशीको प्रतिक हो त ? कसैले जाँचेको छ र ?

ठूलो घरमा बस्ने सबै खुशी हुन्छन् या हरेक खुशी मान्छेहरु ठूलो घरमा नै बस्छन् भनेंर ?

अमेरिकाका मल्टी मिलियनर स्ट्रोसाइसिस्ट तारापुञ्जका अध्यनकर्ता स्टेभेन हफ ले मिसाउरीमा ठूलो ५ तल्लाको घर बनाएका छन्, त्यसमा १३ वटा शौचालय र १४ वटा बाथरुम छन् । त्यस्तै जापानमा जमिन र ठाँउको अभावमा अधिकांश मान्छेहरु केवल १८२ स्क्यावयर फिटमा माइक्रो घरहरुमा बस्दछन् । यी घरहरुमा एउटा डेस्क कम्प्यूटरले लगभग एक तिहाईको भाग ढाक्ने गर्दछ । खाटमा सानो तकियालाई माथि भित्तामा झुण्ड्याइन्छ ताकि सुत्ने मान्छेले आफ्नो गोडा तन्काउन सकुन् । दुईवटा भित्तामा जोडेर लुगा झुण्ड्याउने डोरी बाँधिएको हुन्छ भनें भान्सामा एउटा सिन्क, एउटा मुख भएको इन्डक्शन कुकर र सानो बेसिन राखिएको हुन्छ ।

पश्चिमा सभ्यतामा ठूला घरहरुलाई सम्पन्नतासंग जोडिन्छ जबकि पूर्वि सभ्यताको जडमा यो तुलना कहिले थिएन । जापानी जिवनशैली जेन दर्शन पाइन्छ, जेनका अनुसार एउटा मान्छेलाई उभिन आधा गुन्द्रि र सुत्न पुरा गुन्द्रि भए पुग्दछ ।

अब के ठूला घरमा बस्ने अमेरिकी मिलिनायरहरु जापानी भन्दा खुशी छन् त ? के ठूला घरहरुमा बस्ने मनहरु पनि खुकुलो र ठूलो छन त?
यसै वर्ष ब्रिगम योगं विश्वविधालयले गरेको अध्यन अनुसार हामी जति आफ्नो घरप्रति सकारात्मक सोच्दछौं त्यति नै हामी घरमा खुशी हुनसक्दछौं । यस सकारात्मक सोच र खुशीमा घरको आकार र अवस्थितीको कुनै भूमिका नहुने देखिन्छ । उल्टै प्रतिव्यक्ति ठाँउ कम भएको घच्चाघमाशान घरहरु झन खुशी हुने पाइयो, घरको फराकिलो ठाँउमा खुशी लुकेको हुँदैन । घरलाई समबन्धको धनत्व र परिवारको प्रकृतिले मात्र खुशी दिने स्पष्ट छ ।

घरको फराकिलोपना केवल मानसिक संरचना र सोच मात्र हो, जब मान्छे आँफैंमा खुशी हुन्छ तब उस्ले आफ्नो अवस्थिती भन्दा माथि परिकल्पना गर्न र दर्शनहरु बुझ्न सक्दछ । तसर्थ घरको लालसामा खुशी देख्नु केवल मिथ्या र मृगतृष्णा मात्र हुन सक्दछ है ।

सुयोग ढकाल

प्रतिक्रिया दिनुहोस !
Loading comments...
सम्बन्धित खबरहरु

काठमाडौँ– पछिल्लो २४ घण्टामा सबैभन्दा धेरै २१ देखि ३० वर्ष उमेर समूहका व्यक्तिहरुमा कोरोना भाइरसको संक्रमण पुष्टि भएको छ ।

विवेकशील साझा युवा संगठनका सचिव तथा पार्टीका केन्द्रीय समिति सदस्य अमित पाठकले सर्वोच्च अदालतको फैसलाले प्रतिगमनलाई परास्त गरेको बताएका छन्।

काठमाडौं। नेकपा एमालेको आन्तरिक विवाद समाधान गर्न गठन गरिएको सँयुक्त कार्यदलले आइतबार राति सहमति जुटाएको छ। कार्यदलले १० बुँदे सहमति

काठमाडौं । वर्षासँगै बाढी–पहिरोले देशका विभिन्न ठाउँमा सडकखण्ड अवरुद्ध भएको छ । सडक विभागका अनुसार शुक्रबार बिहान सवा ७ बजेसम्म