सुश्री सम्पत्तिको ट्रेलर सार्वजनिक
७ मंसिर २०७५, शुक्रबार २०:४९
मंशिर २८ गते बाट प्रर्दशनमा आउन लागेको चलचित्र ‘सुश्री सम्पति’को ट्रेलर सार्वजनिका भएको छ । यस अघि नै यस चलचित्रको २ गीत रिलिज गरिएको थियो । हुकुम बक्सियोस र झुम्की हरायो भन्ने गीतले निकै राम्रो प्रतिक्रिया पाईरहेका छन । सार्वजनिक ट्रेलरमा दुई युवाकले सुश्री सम्पतिको पछाडी लाग्नुको कारण र प्राप्तिको लागि गरेको संघर्षलाई देखाइएको छ । ट्रेलरमा फिल्मका तीन पात्र सलोन बस्नेत, सारा सिर्पाली, बिनोद न्यौपाने, प्रमोद अग्रहरी र राजाराम पौडेललाई देख्न सकिन्छ । यिन पात्रको वरपर फिल्मको कथा घुम्ने भएकोले ट्रेलर पनि यिनमै फोकस गरिएको छ । पोष्टप्रोडक्सनमा रहेको फिल्मको ट्रेलरलाई सहिल खानले तयार पारेका हुन् ।
रङ्ग पत्रकार सुव्रत आचार्यको निर्देशनमा तयार भएको फिल्ममा विशारद बस्नेत, सुनिता श्रेष्ठ ठकुरी लगायतका कलाकारहरुको पनि अभिनय रहेको छ भने प्रियंका कार्की विशेष भूमिकामा छिन् । रमेश त्वायना प्रस्तुतकर्ता रहेको ‘सुश्री सम्पत्ति’ को कथा निर्देशक सुव्रत आफैले लेखेका हुन् । फिल्मको निर्मातामा विज्ञान राई, नुनम सुब्बा र रमन सिलाकार रहेका छन् । अभिमन्यू निरवी र निर्देशक आचार्यको डाइलग रहेको फिल्मको स्क्रिनप्ले अभिमन्यूकै रहेको छ । फिल्मलाई उपत्यकामा बिके फिल्मसका गोपालकाजी कायस्थ र मोफसलमा एफडी कम्पनीले वितरण गर्नेछ । फिल्मलाई भरत रेग्मीले सम्पादन गरिरहेका छन् । सार्वजनिक पोस्टरलाइ टौवा क्रिएसनले तयार पारेको हो ।
सुव्रत आचार्य भन्छन ट्रेलरमा हामीले दर्शकलाई हाम्रो जनर बताएका छौ । फिल्म रमाइलो बनेको छ । दुई युवाले सुश्री र उनिसँग भएको सम्पति प्राप्तिका गर्ने संघर्षले दर्शकलाई भरपुर मनोरंजन प्रदान गर्छ । फिल्म हेरिरह्दा दर्शकले बोर हुनु नपरोस भनेर नै हामीले मेहनत गरिरहेका छौ ।
फिल्म रमाइलो बनेको र दर्शकहरुले पुर्णरुपमा मनोरन्जन लिने कुरमा चलचित्रका नायक सलोन बस्नेत निकै विश्वस्त रहेको तथा दर्शकले आफुलाई हेर्न खोजेको भुमिकामा आफु प्रस्तुत भएको जानकारी गराए । ‘अधकट्टी’ निर्देशन गरेका सुव्रतराज आचार्यले यो चलचित्रको निर्देशन गरेका हुन् ।
चलचित्रमा राजाराम पौडेल, विशारद बस्नेत, सुनिता श्रेष्ठ ठकुरी लगायतको मुख्य भूमिका छ भने नायिका प्रियंका कार्कीले एउटा गीतमा आइटम नृत्य गरेकी छिन् । रमेश त्वायना प्रस्तुतकर्ता रहेको चलचित्रको कथा निर्देशक सुव्रत आफैले लेखेका हुन् । चलचित्रमा विज्ञान राई, नुनम सुब्बा र रमन सिलाकारको लगानी छ ।
