पाकिस्तानी रेलमा आगो लाग्दा ६५ जनाको मृत्यु

कराँची रावलपीण्डी तेजगाम एक्सप्रेसमा ३१ अक्टोवर सन् २०१९ मा आगो लागेको हो, यस आगोले ६५ जना यात्रुहरुको मृत्यु भएको छ । रेल मन्त्री शेख रासिद अहमदले मृतकहरुको सख्याँ अझै बढ्न सक्ने जनाएका छन् । प्रधानमन्त्री ईमरान खानले दुख प्रकट गर्दे शिघ्रानुशिघ्र यसका लागि केहि कदम चाल्न आदेश दिएका छन् ।

पाकिस्तानी मिडिया पिटिआईका अनुसार रेलमा भएका यात्रुहरुले ग्याँस स्टोभ बाल्दा उक्त स्टोभ पड्कीएका कारणले रेलभरि आगोको सप्को फैलिएको हो । पाकिस्तानको पन्जाब स्टेटको लियाकतपुर आसपासमा रेलमा भिषण आगो लागेको हो । रेलमन्त्रीले अहिले पनि आगो निभाउने क्रम चलिरहेको र उद्धारका कार्यहरु जारी रहेको बताएका छन् ।

यस रेलको ३ वटा ठूलो डिव्बाहरु क्षतिग्रस्त भएका छन् । प्रहरीका अनुसार आगलागीका कारण यात्रुहरु रेलबाट हाम्फालेका कारणले तल भुँईमा बजारिएर र पोलहरुमा ठोकिएर मृत्यु भएको हो ।

लाइभमाण्डु