सेकेण्ड ह्याण्ड जुत्ता लगाउने बेलायती स्कुले बिधार्थीहरु

बेलायतमा स्कुले बिधार्थीहरुमाझ सेकेण्ड ह्याण्ड जुत्ता सकंलन र वितरण गर्ने एउटा सामाजिक संस्थाले बेलायतमा यी जुत्ताहरुको माग निकै बढेको र निकै बिधालयहरुबाट यस्ता जुत्ताहरु आवश्यक परेको आवेदन आउन थालेको बताएका छन् ।

बिधालयको सत्र शुरु हुँदाको समयमा बिधार्थीहरुलाई बिधालय जाने जुत्ताको आवश्यक्ता पर्दछ र बिभिन्न कारणले सबै बिधार्थीहरुले उपयूक्त जुत्ता पाउन र खरिद गर्न असमर्थ हुन सक्दछन्, साल्स नामक गैरनाफामुलक अभियानले बेलायतका त्यस्ता बिधार्थीलाई सेकेण्ड ह्याण्ड जुत्ता वितरण गर्दै आएको केहि वर्ष भएको छ ।

यस अभियानकी अग्रणी महिला सिजे ब्राउरीले आफ्नो छोराले बिधालयमा प्रयोग गरेको जुत्ता कसरी र कस्लाई दान गर्ने र कसरी यस जुत्ताको आवश्यक्ता भएको बिधार्थी समक्ष पुर्याउने भन्ने कुराले आफैंले साल्सको शुरु गरेको बताइन ।

५ वर्ष अघि शुरु भएको यस अभियानले पहिलो वर्ष मा नै ५००० जोर जुत्ताहरु सकंलन र वितरण गर्यो । गत वर्ष ३ लाख जोर जुत्ताहरु बाँढेको र ति जुत्ताहरु कुनै पनि च्यातिएको नभएको ब्राउरीले बताइन । यि जुत्ताहरु गत वर्ष ४३ वटा बिभिन्न देशहरुमा पठाइयो, यी जुत्ताहरुले बिधार्थीहरुलाई स्कुल र घरसंग झन नजिक बनाएको बताइन्छ ।

हामीलाई अब देश बिदेशबाट बिधालयका प्राध्यापकहरुले आफ्नो बिधालयमा राम्रो जुत्ता खरिद गर्न नसक्ने बिधार्थीहरुको संख्या दर्शाएर ईमेल गर्ने गर्दछन्, सिजे ब्राउनले बताइन ।

लाइभमाण्डु