पाकिस्तानका आतंकवादीस्थलमा छापामारीका क्रममा सुरक्षाकर्मीमाथी हमला


आतंकवादविरुद्धको अभियानमा पाकिस्तानी सुरक्षाकर्मीहरुले पाकिस्तानका विभिन्न सम्भावित र प्रमाणित आतंकवादीस्थलमा गरेका छापामारीका क्रममा हमला भएको छ । हमलामा परेर दुई पुलिस अधिकारी, दुई पाकिस्तानी इन्टेलिजेंस तथा एकजना सुराकी मारिएका छन् । घटना पञ्जाब प्रान्तको मुल्तानमा भएको हो, त्यहाँ दक्षिण-पश्चिम बलूचिस्तान प्रान्तको सीमाना रहेको छ ।

सुराकीका आधारमा आइतबार राति गरिएका छापामारीका क्रममा अज्ञात बन्दूकधारिहरुले सुरक्षाकर्मीहरुमाथी एक्कासी हमला गरेका थिए । जसमा पाँचजनाले ज्यान गुमाएका छन् । मुल्तानका पुलिस प्रवक्ता कलिम कुरैशी अनुसार, ‘सुरक्षाकर्मीमाथी भएको यो हमला मुल्तानस्थित राजनपुर जिल्लाको अरबी तब्बा क्षेत्रमा भएको हो ।’ अहिलेसम्म कुनैपनि संगठनले यसको जिम्मेवारी लिसकेका छैनन । यो क्षेत्रको सीमा दक्षिण-पश्चिम बलूचिस्तान प्रान्तसँग जोडिएको अत्यन्त संवेदनशील स्थान हो । त्यहाँ प्राय ‘बलूच अलगाववादी’ समूहहरुद्वारा विद्रोह हुँदैआएको छ । यो क्षेत्रमा आतंककारीहरुको अन्य गुटहरु पनि सक्रिय छन् ।


लाइभमाण्डू


Loading comments...