Lifestyle Portal
  •   २२ मंसिर २०७८, बुधबार

गुरु नानक र समावेशी पाकिस्तानको सपना

२६ कार्तिक २०७६, मंगलवार ११:५४

पाकिस्तानी शहर नकना शाहिब हरेक वर्ष नोभेम्बर महिनामा शिख धर्मावलम्बीहरुको लावा लस्करले भरिभराउ हुने गर्दछ । गुरु नानकको जन्मदिनमा गुरुपुरव मनाउन उन्को समाधिस्थल पाकिस्तानमा भएकाले भारतबाट हजारौंको संख्यामा शिखहरु पाकिस्तान जान्छन् । शिखहरु पाकिस्तानमा पनि छन् भनेँ त्यहाँ आउने धर्मावलम्बीहरु धेैरे जसो भारत र अन्य पश्चिमा देशहरु क्यानडा, अमेरिका र यूरोपबाट आउने गर्दछन । पाकिस्तान सरकारले भारतीय शहर डेरा बाबा नानक र श्री कर्ताबपुसर गुरुद्धारा सम्म भिसा बिना नै तिर्थयात्रुलाई आउजाउ गर्न दिएको छ । यस वर्ष गुरु नानकको ५५० औं जन्मजयन्ती हो, पाकिस्तान सिमाबाट ६ किमी भित्र श्री कर्ताबपुर गुरुद्धारा पर्दछ ।

रंगिबिरगीं टर्बेन अर्थात पगेडी अनि किरपन अर्थात खुकुरी या चक्कु भिरेर तिर्थयात्रुहरु गुरु नानकको अन्तिम यात्रा भएको र समाधिस्थलमा पुग्ने गरेका छन् । पाकिस्तानका मस्जिदहरुका आजानका आवाज भन्दा संस्कृतका गुरु नानकका किर्तनहरु यस दिनमा ठूला स्वरले बजाउने गरिन्छ, गत केहि वर्षबाट पाकिस्तान सरकार पनि उदार भएको तिर्थयात्रुहरुको भनाई छ । विश्व राजनिति र शक्तिकेन्द्रमा शिखहरु क्यानडाको सरकार देखि यूरोप र अमेरिकाका पनि रणनैतिक पदमा सम्म पुगेका छन्, शिखहरुको विश्व बजारमा बढ्दो प्रभाव र धर्मप्रतिको आस्था दुबैलाई पाकिस्ताले सम्मान गरिदिएको छ ।

१५ औं शताव्दीमा नाकाना शाहिब शहरमा गुरु नानकको जन्म भएको थियो, यस स्थान लाहोरबाट ६५ किमी पर पर्दछ । त्यस ठाँउमा विशाल गुरुद्धारा जन्मस्थान बनाइएको छ, पूर्वपटि गुरुद्धारा बालिया छ जहाँ गुरु नानकले खेल्नुभएका ठाँउ र प्रमाणहरु छ । मुख्यतया यस गुरुद्धारा नै गुरु नानकको जन्मजयन्तीका लागि विशेष तिर्थस्थल हो यद्धपि अहिले आएर पाकिस्तानका अन्य पुराना गुरुद्धाराहरु पनि पूर्ननिर्माण गरिन थालेपछि पाकिस्तान शिख धर्मावलम्बीहरुको लागि तिर्थस्थलको देश भएको छ ।

सन् १९४७ मा धर्मका आधारमा बेलायती शाषकहरुले भारत र पाकिस्तान टुक्राइदिएपछि सिमाक्षेत्रमा बसेका शिख धर्मावम्बीहरु जो दुबै देशका क्षेत्रहरुमा बसेका थिए, उनीहरुलाई निकै अफ्ठेरो परेको थियो ।

पछि शिख र मुसलमान समुदायमा पनि भयंकर र क्रुर द्धन्द भयो, हजारौं मारिए र वर्षोसम्म यो चलिनै रह्यो । धेरै पाकिस्तानमा बस्ने शिखहरु आफ्ना सबै कुराहरु छाडेर भारत पसे, शरणार्थी झैं । यसरी छाडेर जाँदा शिखहरुका तिर्थस्थलहरु पाकिस्तानमा त्यसै छुट्न गए, त्यहाँ स्याहार संभार त परै जाओस हेयभाव र अपमान मात्र वर्षाइए । पाकिस्तान र अफगानीस्तानको सिमा पखतुन्ख्वा सम्म शिखहरु थिए, क्रमश उनीहरु कि त ज्याजतिका शिकार भए कि त भागेर भारत आए ।

धेरैजसो चाँही भारत र पाकिस्तानको सन् १९६५ र सन् १९७१ को युद्धका ताका भागेर भारत आए, कोहि नकना साहिबतर्फ आएर बसे । यस विषयमा अ ह्वाइट ट्रेल एण्ड वाकिगं विथ नानक भन्ने पुस्तक नै लेखिएको छ ।

सुयोग ढकाल
लाइभमाण्डु

यो पनि पढ्नुहोस्

आज गुरु नानक जयन्ती

प्रतिक्रिया दिनुहोस !
Loading comments...
सम्बन्धित खबरहरु

भारत सरकारको नेरु. १ करोड २७ लाख आर्थिक सहयोगमा दार्चुला जिल्लाको खलंगा, तिंकरमा अवस्थित श्री मोती महिला संघ प्राथमिक विद्यालयको

वीरगञ्ज । वीरगञ्जस्थित क्लार्क्स रिसोर्ट्समा “आजादी का अमृत महोत्सव” (भारत @ 75) को अवसरमा, भारतीय महावाणिज्य दूतावास, विरगञ्जद्वारा “लोकतन्त्रको विशेष

टुंडिखेलस्थित नेपाली सेनाको मुख्यालयमा आयोजना गरिएको एक समारोहबीच भारतीय सेनाले नेपाली सेनालाई आज टाटा एलपिटिए १६२८ वर्कशप ट्रकहरु उपहारस्वरुप प्रदान

कोभिड खोप प्रमाणपत्रको पारस्परिक मान्यताका लागि भारत सरकार स्वास्थ्य एवम् परिवार कल्याण मन्त्रालय र नेपाल सरकार स्वास्थ्य तथा जनसंख्या मन्त्रालयबीच