Lifestyle Portal
  •   ३१ श्रावण २०७९, मंगलवार

विदेशबाट फर्कीएर मुसहर युवाले निःशुल्क शिक्षा दिंदै

२७ कार्तिक २०७६, बुधबार १३:२२

पचुलाल माझी, धनुषा । विदेशबाट आई चारै तिर घुम्ने, राम्रो लुगा लगाउने, खाने, ऐश्वर्य जिवन जिउने प्राय जसोको सोच हुन्छ तर धनुषा जिल्ला लक्ष्मिनियाँ गाउँपालिका वडा नं २ सिनुरजोडा निवासी श्रीदेव सदाले विदेशबाट फर्किने लगतै आफनो टोलमा १३० जना मुसहर, यादव, मण्डल, साह लगायत अन्य जातिको बालबालिकाहरुलाई निःशुल्क शिक्षा दिने काम शुरु गरेका छन् । आफनै घरको अगाडी रहेको खाली ठाउमा साझँको २ घण्टा पढाउने काम गर्ने गरेका छन् ।

उहाँ भन्नुहुन्छ, “अरुको जस्तो निःशुल्क शिक्षा दिने नाममा भजाउने, कमाउने उद्देश्य छैन, अनपढ नेपालीले जुन दुःख पीडा विदेशमा गएर भोग्नुपरेका छन् त्यो दुख पीडा कसैले भोग्नु नपरोस भने उद्देश्यको साथ निःशुल्क शिक्षा दिइरहेकोछु । विदेशमा अनपढ व्यक्तिहरुले अपमान, हेला खेप्नुको साथै कडा गर्मीमा भोकै प्यासै कमाएको पैसा घर पठाउने बेलामा केही नजानेकोले पढेलेखेका व्यक्तिलाई पैसाको साथै नास्ता खुवाउने, रिर्चाज कार्ड दिनुपर्ने बाध्यतात्मक परिस्थिति झेल्नुपरेको छ । साथै ठगिएका, कमाएको पैसा पनि नपाएका धेरै जना भेटिन्छन् त्यहाँ ।”

“विदेशमा काम गर्ने मुसहर युवाहरुले कमाएको पैसाबाट इच्छा अनुसार जम्मा गरी नेपालमा स्थापना गरेको “जय श्री शवरी माता मुसहर एकता युवा सेवा समाज नेपाल” नामक संस्थामार्फत पहिला पनि अप्ठयारोमा परेकाहरुलाई आर्थिक सहयोग गर्नुको साथै बालबालिकाहरुलाई शैक्षिक सामग्री, विद्यालय पोशाक समेत वितरण हुँदैआएको छ । विदेशमा बसेको बखत नै आफनो गाउँ समाजमा रहेको ब्यक्तिहरुले त्यस्तो बाध्यता परिस्थिति झेल्नुनपरोस भनी बालबालिकाहरुलाई निःशुल्क शिक्षा दिने सोच आएकोले विदेशबाट फर्किएलगतै निःशुल्क टियुश्न शुरु गरेको र यसलाई निरन्तरता दिनेछु” सदाते गर्नुभयो । मुसहरले निःशुल्क शिक्षा लिने मात्र हैन कि आफनो लगायत अरु जातिको बालबालिकाहरुलाई पनि आ–आफनो टोलमा निःशुल्क शिक्षा दिने परिपाटीको विकास गर्नको लागी समेत सदाले अनुरोध गरेकाछन् ।


समाचार प्रेशक पचुलाल माझी “शक्तिहिनको सशक्तिकरण मुसहर समुदायको समग्र उत्थान अभियान”का संयोजक हुनुहुन्छ ।

प्रतिक्रिया दिनुहोस !
सम्बन्धित खबरहरु

भारतीय राजदूतावास, काठमाडौंले यही श्रावण ३० गते भारतको ७६ औं स्वतन्त्रता दिवस मनायो । यो कार्यक्रम भारत स्वतन्त्रताको ७५ वर्षको

काठमाडौं । हिमालयन टेलीभिजनका प्रधानसम्पादक पत्रकार राजेन्द्र बानियाँले देशका सञ्चारमाध्यमहरु युवाहरुको आवाज बन्नुपर्ने बताउनु भएको छ । अन्तराष्ट्रिय युवा दिवसको

काठमाडौं । राष्ट्रिय सभाका अध्यक्ष सम्मननीय गणेश प्रसाद तिमल्सिनाले देशको राजनीतिमा युवाको हस्तक्षेपकारी भुमिका भएमात्र परिवर्तन सम्भव हुने बताउनुभएको छ

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।