हामी इज्रेलको राज्य समापन गर्न चाहन्छौं, यहुदिहरुलाई हैन: इरान

विश्वले यस सहश्राव्दीको शुरुवात बाट नै आतंकवाद र न्यूक्लीयर हतियारको नाममा धेरै युद्ध देख्दै आएको छ । अमेरिकाको ट्वीन टावर हमला पछि अफगानीस्तान अनि ईराक, सिरिया, लिविया पछि अबको हमला इरानतर्फ इङ्गीत देखिएको छ ।

एकातर्फ इरानमा तेलको खानी भेटिएको तथ्य छ भने अर्कोतर्फ लालसागरमा इरानलाई घेरेर बसेका अमेरिकी सेना, तिनलाई समर्थन गर्ने साउदी अबर र अन्य इमिरेट्स राज्यहरु पनि छन् । इरानलाई परमाणु हतियार बनाएको आरोप र प्रतिवेदन अनि अर्कोतर्फ इरानमाथिको नाकाबन्दि, के यो सम्भावित युद्धको तयारी हो? तर युद्धको सम्भवना भने धेरै छ ।

इरानका सर्वोच्च नेता अतोअल्ला अली खामेनाईले भर्खरै आफ्नो युद्ध इज्रेलको राज्यविरुद्ध रहेको र भविष्य निर्धारण गर्ने अधिकार प्यालीस्टाइनका मान्छे, मुसलमान र क्रिस्चियन सबैको समान छ भनेर भनिदिए । उनले ईरान यहुदीहरुकोविरुद्धमा नभएको पनि स्पष्ट पारे ।

जियोनीस्ट राज्यका रुपमा इज्रेललाई जनाउँदै अतोअल्लाले इरानलाई इज्रेल आफैमा एउटा राज्यका रुपमा मान्य नभएको बताएका छन् । विश्व राजनीतिमा अहिले यो निकै चर्चामा रहेको वक्तव्य हो । इज्रेलका जानी दुश्मनहरु हमास र इस्लामीक जिहादलाई इरानले पूर्ण समर्थन गर्ने पनि अतोअल्लाले बताए ।

—
यो पनि पढ्नुहोस्
इज्रेल बिरुद्ध इराकलाई सहयोग गर्दै रुस
इज्रेलीहरु भगवानको पक्षमा छन्, अमेरिकी राजदुत