न्यूजिल्याण्डमा पर्यटकीय टापुमा ज्वालामुखी विष्फोट


ह्वाइट टापु नाम गरेको न्यूजील्याण्डको प्रमुख पर्यटकीय स्थलमा एक्कासी ज्वालामुखी विष्फोट भएको छ । ५ जनाको मृत्यु नै भएको छ भनें अन्य सैयौं मान्छेहरु त्यहाँ थुनिएको खबर छ ।

स्थानीय समयमा २ बजेको बेला यस विष्फोट भएको हो । प्रधानमन्त्री जकिर्ना अडर्नका अनुसार अहिले उद्धार कार्यक्रम चलिरहेको बताइन्छ । अधिकांश घाइतेहरुको शरीर जलेको र आगोले पोलेको अवस्था छ, आगोका लप्काहरु १२ हजार फिट माथिसम्म गएको बताइन्छ ।

न्यूजील्याण्डका प्रहरीहरुका अनुसार ५० जना पर्यटकहरु ज्वालामुखी विष्फोटका समयमा त्यहाँ रहेका र २३ जनालाई उद्धार गरिसकिएको छ । उक्त क्षेत्रमा पारामेडिक्स टोली सहितका ७ वटा हेलिकप्टरहरु पठाइएको जानकारी छ । हुन त उक्त टापुमा यदि ज्वालामुखी विष्फोट भइहालेमा उद्धारका लागि ज्वालामुखीको आगोका लप्का नपर्ने ठाँउ बनाइएको छ ।

यस ठाँउमा यसअघि सन् १९१४ मा ज्वालामुखी विष्फोट भएको थियो, १२ वटा सल्फर खानीमा कार्यरत मजदुरहरुको यसबेला मृत्यु भएको थियो । सन् २०१६ को अप्रिलमा पनि छोटो र सानो बिष्फोट भएको थियो । ७० प्रतिशत ज्वालामुखी समुन्द्रमुनी भएको छ भनें हरेक वर्ष यस टापुमा १०००० बढि पर्यटकहरु आउने गर्दछन् ।
लाइभमाण्डु


Loading comments...