प्रहरीको बाईकनै चोरी

सुनसरीको भोक्राह प्रहरी चौकीको बाईक चोरी भएको छ । सोमबार राती भोक्राह नर्सिङ सडक खण्डमा गस्ती गर्ने क्रममा निलो रंगको अपाची बाईक चोरी भएको हो ।

राती ११ बजेको समयमा भोक्राहमा स्थानियको झगडा मिलाउन पुगेको प्रहरीको बा २ ब ५६३९ नम्बरको बाईक चोरी भएको हो । उक्त बाईकमा असई मोहन कार्कीसहित एकजना सिपाही सडक नजिकै बाईक राखेर झगडा मिलाउन लागेका थिए । तरपछि फर्काेर आउदा बाईक राखेको ठाँउमा नभेटिएको बताइएको छ ।

बाईक प्रदेश सरकारले जिल्ला प्रहरी कार्यालय सुनसरीलाई उपलब्ध गराएको थियो । चोरी भएको बाईकको खोजतलास भइरहेको सुनसरीका प्रहरी उपरिक्षक यज्ञबिनोद पोखरेलले जानकारी दिए ।

चोरी भएको बाईक प्रहरीले भेटाएर बुझायो

इलाका प्रहरी कार्यालय दुहबीले चोरी भएको पल्सर बाईक भेटाएर सम्बन्धित धनीलाई बुझाएको छ । पुस ४ गते दुहबी ६ बस्ने धनश्याम हलुवाईको लु. ५१ प.७४७७ नम्बरको निलो रगंको बजाज २२० अनटेष्ट पल्सर बाईक दुहबीकै रिद्धिसिद्धि बैंक नजिकबाट चोरी भएको थियो ।

दुहबी प्रहरीको बिशेष टोलीले ५ गते राती चोरी भएको बाईक दुहबीकै जिवन ज्योति अस्पताल पछाडी भेटाएको थियो । उक्त बाईक मंगलबार इलाका प्रहरी कार्यालय दुहबीका प्रहरी निरीक्षक प्रविण कार्कीले धनीलाई बाईक बुझाएका थिए ।