ईरान प्रक्ररणपछि महाथिरको वक्तव्यः सम्पूर्ण मुस्लिम देशहरु एक हुन पर्दछ
२४ पुष २०७६, बिहीबार १३:५२
मंगलबारको दिन मलेसियाका प्रधनमन्त्री जो विश्वकै सर्वाधिक पाका प्रधानमन्त्री र सफल राष्ट्रिय रुपान्तरणका नेता पनि हुन उनै मोहम्मद महाथिरले बाहिरी त्रासका बिरुद्ध लड्न र चुनौतिको सामना गर्न विश्वभरिका मुस्लिम देश एक हुनपर्ने बताएका छन् ।
उनका अनुसार सोलेमानीको हत्या प्रकरणमा अमेरिकाले प्रयोग गरेको एयर स्ट्राइक र ड्रोन हमला अन्तराष्ट्रिय कानुनका बिरुद्ध छ । ९४ वर्षका महाथिरले ईरान प्रकरणले अब मध्यपूर्वमा सिमा बिवाद निम्त्याउन सक्ने र थप अस्थिरता आउन सक्ने बताएका छन् । उन्का अनुसार अब कोही पनि सुरक्षीत छैन किनभने एउटा देशले आफ्नो सिमा भन्दा पर अर्को देशमा ड्रोन पठाएर मन नपरेका मान्छे मार्ने नियम न्यायोचित छैन ।
Muslim countries should unite to protect themselves against external threats: Mahathir Mohamad#TheNews https://t.co/lLcn4Bc89V
— The News (@thenews_intl) January 7, 2020
५० जना बुर्का लगाएका मान्छेहरुले केहि दिन अघि मात्र मलेसियामा रहेको ईरानीयन दुतावास अगाडि अमेरिका बिरुद्धमा नारा लगाएर प्रदर्शन गरेका थिए । एक अध्ययनका अनुसार करिब १० हजार ईरानीहरु मलेसियामा बस्दछन् ।
गत महिना ईरानका राष्ट्रपति हन रुहानीलाई आमन्त्रण गर्दै मलेसियाले मुसलमान देशहरुको एक्यवद्धताका लागि एउटा कार्यशाला आयोजना गरेको थियो ।
महाथिरले आजभोली भारतमा मुसलमानको समर्थन देखि लिएर साउदी अरबको पनि खुलेरै बिरोध गर्न थालेका छन् र यसअर्थमा मलेसियाको दिल्ली र रियाद समबन्ध चिसो हुँदै गएको पनि बताइन्छ । म सत्य बोल्न जान्दछु महाथिरले हरेक वक्तव्यमा यस वाक्याशंको प्रयोग गर्दछन् ।
