Lifestyle Portal
  •   १५ माघ २०७८, शनिबार

तेलको मूल्य अब ईरानको हातमा

२६ पुष २०७६, शनिबार १५:०२

ईरानी जनरल र ईरानमा राष्ट्राध्यक्षको वर्यतामा सुरक्षामामिलाका सर्वाधिक उच्च मानिएका राष्ट्रिय हिरो जनरल सोलेमानीको ईराकमा अमेरिकाद्धारा हत्या भएपछि विश्व बजारमा कच्चा तेलको मूल्य बढेको हो । अब अमेरिकाले त हाललाई यूद्ध र सैन्य कारवाही नगर्ने जनायो तर के तेलको भाउ विश्बजारमा घट्छ त ?

अबको तेलको मूल्य निर्धारण केवल ईरानको हातमा छ, अमेरिकी हस्तक्षेपको ईरानीहरुलाई तनाव त भयो यद्धपी यसका केहि फाइदाहरु छन् जुन ईरानले लिन सक्दछ या लिइरहेको छ । अमेरिकी सैन्य आक्रमणको जोखिममा रहेको ईरानलाई अहिले चीन र रुसको बिशेष साथ छ भने विश्वभरि ईरानले धेरै मान्छे, नेता र देशको सहानूभूति पनि पाएको छ । मध्यपूर्वमा ईरानको स्थान र अमेरिका बिरुद्धको ईरानी नेतृत्वको कटिवद्धतालाई निकै प्रशंशा पनि गरियो भनें ईरानी जनताहरुको देशप्रतिको एैक्यवद्धताको प्रशंशाको कुरै नगरौं ।

सोलेमानी मारिएको ४ घण्टा नबित्दै विश्वभरिको तेलको मूल्य ३ प्रतिशत भन्दा धेरैले बढिसकेको थियो । त्यसपछि क्रमश जब अमेरिकी ठेकदारको ईराकमा ईरान समर्थकहरुले हत्या गरे र वग्दादको अमेरिकी दुतावास अगाडिको प्रदर्शनले तेलको मुल्यलाई झनै बढाँउदै गयो । अमेरिकामा आसन्न राष्ट्रपतिय चुनाव अगाडि यदि तेलको मुल्य बढेका सर्वाधिक घाटा त राष्ट्रपति ट्रम्पलाई हुनेछ, शायद यस कारणले पनि ट्रम्पले यूद्धलाई पर सारे । ईरानले साउदी अरबको सर्वाधिक ठूलो तेल खानीमा ड्रोन आक्रमण गरेर त्यहाँको तेल उत्पादन पनि बन्द गरिदिएको थियो, यस कारणले तेलको पूर्ति विश्व शजारमा ५ प्रतिशतले झनै कम भयो । कम पूर्ति अनि ईरान आक्रमणको जाखिमले तेलको मूल्य आकाश छुँदै गयो, विश्वबजारमा यो राम्रो कुरा थिएन । ओवामा ले ईरानलाई साथै लान खोजे र विश्वासको बातावरण बनाउन चाहे तर ट्रम्पको नितिले ईरानलाई एक्ल्यायो र तेल लगायत विश्व शान्तिका लागि नै नराम्रो भयो भनी यूरोपका देशहरुले पनि अमेरिका संगको गुनासो राखे, ट्रम्पलाई यसको पनि प्रभव रह्यो ।

उता शितयूद्धको अमेरिकी प्रतिस्पर्धी रुसले त सोलेमानीलाई ईराक र सिरियामा आतंकवाद बिरुद्ध लड्नका लागि एउटा जोखिम उठाउने सेना र दुरदर्र्शी नेतृत्व भनेरै भन्दियो, अमेरिकी राष्ट्रपतिलाई यो रुसी समर्थन पनि भारी भइदियो । अमेरिकामा बढ्दा रुसी ब्यापारी र चीनका लगानीकर्ता र उधमीहरुको अमेरिकी राजनितिमा ठूलो प्रभाव छ यद्धपी यो प्रभाव यहुदी ब्यापारीहरुको प्रभवको तुलनामा निकै कम छ । ट्रम्पलाई आँउदो चुनावमा यहुदी र रुसी, भरातीय अनि चीनबाट अमेरिकामा गएका आप्रवासीहरुको पनि साथ चाहिन्छ, हुनसक्छ यसकारण पनि ईरानलाई थर्काएर ट्रम्पले यहुदीहरुको विश्वास जिते अनि पछि सैन्य कारवाही नगरेर अरु देशको विश्वास जिते ।

अन्तत अहिलेका लागि ईरान यूद्धको खतरा टरेर गयो । तेलको पूर्तिलाई छोटो समयमा पूरा गर्न साउदी अरब र अमेरिका साँठगाँठ भइसकेको त थियो तर तेलको बजारले पूर्ति भन्दा पनि घटनाक्रमलाई आधार मानेर तेलको भाउ बढायो । बजारमा तेल कसरी र किन आँउछ या आँदैछ भन्दा पनि तेलको मूल्य आँउदो दिनमा ईरानले तेल पठाँउदैन भन्ने कुराले तय गरिदियो र अमेरिकालाई बढ्दो मुल्यले थप दबाब बढायो । यसपाली ईरानलाई रणनैतिक शिसाबले तेलको मूल्यले पनि जोगाएको हो, हामी आशा गर्दछौं कि आगामी दिनमा अमेरिका ईरानको द्धन्द नहोस् । अझै पनि तेलको मूल्य बिश्वबजारमा ईरानकै हातमा छ, छिटै ईरानले मूल्य समायोजन गरोस् ।

सुयोग ढकाल
लाइभमाण्डु

प्रतिक्रिया दिनुहोस !
Loading comments...
सम्बन्धित खबरहरु

कामाडौं । नगर विकास कोषले उत्कृष्ट सेवाग्राहीलाई पुरस्कृत गर्ने भएको छ । कोषले एक सूचना प्रकाशित गदै आफ्नो ३४ औ

भारतको ७३ औं गणतन्त्र दिवसको अवसरमा भारतीय राजदूतावासको रक्षा प्रभागले ‘स्वतन्त्रताको अमृत महोत्सव – Azadi ka Amrit Mahotsav’ अन्तर्गतको कार्यक्रमको

भारत, नयाँ दिल्ली । भारतीय प्रधानमन्त्री नरेन्द्र मोदीले भारतको १०० औं स्वतन्त्रता दिवस आउनु अघिसम्म सरकारले नव भारत बनाउने लक्ष्य

भारतीय राजदूतावास, काठमाडौंले मिति २०७८ पौष २६ गतेका दिन होटल र्‍याडिसनमा विश्व हिन्दी दिवसको आयोजना गर्यो । सन् १९७५ जनवरी