ईरानी जनरल कसिम सोलेमानी सिरियाको दमास्कुस विमानस्थलमा देखिए, उनी सेनाको पोषाकमा अनि चश्मामा देखिएका थिए । उनी संगै अन्य केहि ईरानका रेभ्यूलीश्नरी गार्डहरु थिए । उनी चढेको गाडी गएर चाम विगंस विमानसेवाको एयरवस ३२० को सिँढीमा रोकियो, जहाँवाट जनरल बग्दाद जाने जहाजमा चढे ।

Iran State TV announces Gen. Qasem #Sulaimani killed in #Iraq.
"The martyrdom of the soldier of the Velayat Faqih and Muslim people, the General of Islam, the revolution and Iran General Qasem Sulaimani by American helicopter attack." pic.twitter.com/Coi0cEmU17

— Farnaz Fassihi (@farnazfassihi) January 3, 2020

त्यसपछि सोलेमानी वग्दाद त पुगे तर त्यो नै उन्को अन्तिम यात्रा थियो, उन्को ईराकमा हत्या भयो । चाम विगंस विमानसेवाले जनरल र उनका ४ सुरक्षाकर्मीहरुको लिस्ट आफ्नो यात्रुको सूचीमा नभएको यद्धपी भिभिआइपी सम्मानका साथ जनरललाई उडाइएको रुइटरसलाई बताएका छन् । सोलेमानी पछिल्ला दिनमा आफ्नो निजी जहाज प्रयोग गर्न रुचाँउदैनथिए, उनलाई सुरक्षा भय थियो भन्ने कुरा उनले राम्ररी बुझेका थिए । वग्दाद रोडमा दुईवटा हतियारधारी गाडीको विचमा रहेको उन्को गाडीलाई अमेरिकी ड्रोनले निशाना बनाएर सोलेमानीको इहलीला समापन गरिदियो । यस घटनाको केहि मिनट मानै ईराकी सुरक्षादलले यसको अन्वेषण शुरु गर्यो यद्धपी अमेरिकाले यो घटना गराएको स्पष्ट थियो । नेशनल सुरक्षादलले विमनस्थललाई सिल गर्यो, यद्धपी प्रारम्भिक अनुसन्धानमा ईराकी र सिरियाली दुबै विमानस्थलवाट सोलेमानीको उडान र अवतरणको जानकारी लिक भएको पाइन्छ । रुइटरसले २ जना सोलेमानी चढेका जहाजका कर्मचारी, २ जना विमानस्थलका कर्मचारी लगायत अन्य थुप्र संग यस विषयमा सोधपुछ गर्दा जानकारीहरु चुहिएको र सोलेमानीको आगमन र उडान सबै कुरा अमेरिकी पक्षलाई पहिल्यै देखि थाहा भएको पाइन्छ । एक्कासी जहाज चढेका र कुनै टिकट बिना र पूर्व सूचीकृत जानकारी बिना जहाज चढेका सोलेमानी कसरी आँउदैछन् भन्ने अमेरिकाले चाल पायो त ? यो रहस्य नै छ । कतै सिरिया नै यस आक्रमणमा मिलेको त थिएन, प्रश्नहरु उठि रहेका नै छन् ।

दुई जना वग्दाद एयरपोर्टका कर्मचारी अनि दुई जना जहाजका कर्मचारीलाई जानकारी लिक गरेको आरोपमा पक्राउ पनि गरिएको अपुष्ठ खबर छ । वग्दादको अनुसन्धान कमिटीको प्रारम्भिक रिपोर्ट अनुसार पहिलो जानकारी चाँही दमास्क्स एयरपोर्ट वाटै लिक भएको छ । आखिर जहाज उड्न केहि समयअघि मात्र पुगेका अनि एक्कासी बिना सूचना पुगेका सोलेमानीको खबर अमेरिकासम्म तत्कालै कस्ले पूरयायो, यो व्यक्ति भन्दा पनि सरकार र संगठनकै काम हुनपर्छ भन्ने वग्दादी समुहको ठम्याई छ ।

अमेरिकाले भनें लामो समयदेखि सोलेमानीको आफूले सुराकी गरेको र कुनै खबरी प्रयोग नगरिकनै सोलेमानीलाई आक्रमण गरेको भनाई छ । जनवरी ३ सन् २०२० मा स्थानीय ईराकी समयको १२ बजेर ३० मिनटमा वग्दादमा सोलेमानी ओर्लिएका थिए, विमानस्थलको सुरक्षा जाँचको सिसिटिभी फुटेजले यो देखाएको छ भनें जनरल र उन्का ४ गार्डहरु भन्सार छल्दै सोझै बाहिर निस्केका देखिन्छ । अर्का ईरानी सेनाका प्रभावशाली कमाण्डर अल मुहन्दीस जो ईरानी सेनाका पपुलर मोबीलाइजेशन फोर्सका असिसटेन्ट हेड पनि थिए, यि दुबैले जहाजमा भेटे र एउटै गाडीमा जाने निर्णय लिए तर दुर्भाग्य दुबैको एकै चिहान भएको थियो । त्यस दिन सोलेमानीसंग साथमा नआएको भए अल मुहन्दीस अमेरिकी कारवाहीमा मारिने थिएनन । १२ बजेर ५५ मिनटमा उनीहरुको गाडीमा अमेरिकी रकेट प्रहार भयो जस्ले दुबैको तत्कालै ज्यान लियो ।