ईज्रेलको कृतिम बाढी


एउटा अचम्मको अनि दर्दनाक खबर आएको छ, ईज्रेलको गाजा क्षेत्रमा भएको हस्तक्षेपका बारे यो अचम्मको खबर सामने आएको छ । शनिवारको दिन गाजा क्षेत्रमा ईज्रेली सेनाले भारी मात्रामा पानी पम्प गरेर खेतीयोग्य जमिनमा पठाएको छ , यसरी पम्प गरिएको पानीमा बिष हालेर खेतीयोग्य जमिनको उब्जालाई असर गर्ने गरि पठाइएको छ ।

प्यालीस्टाइनीहरुको आधिकारिक न्यूज एजेन्सी वाफामा यो समाचार छापिएको छ जस्का अनुसार पूर्वि तटमा ईज्रेली सेनाहरु बिष सहितको पानी गाजाका खेतहरुमा पठाएका हुन् । गहुँ, जौ, बन्दाकोभी, फूलकोभी लगायतका अन्नहरु खानै नहुने गरि बारीमै बिग्रेका छन् । गाजा क्षेत्रमा यसअघि बाट नै ईज्रेली सेनाले यसो गरेको खबर आएको हो, स्मरण रहोस् यस गाजा क्षेत्र पहिल्यैदेखि भोकमरीको चपेटामा छ । पश्चिमी किनारालाई ईज्रेली सेनाले सन् १९६७ मा अधिनमा लिएपछि पूर्वि तटमा कहिले जनावर मार्ने बिशादि छाड्ने त कहिले अन्न बिगार्ने गरि बाढी पठाइदिने काम ईज्रेली सेनाहरुले गर्दै आएका छन् । सन् २००७ मा त ईज्रेलले समुन्द्र छेउको जमिनको एक टुक्रा र केहि समुन्द्रको भूभाग नै अधिनमा लिएको थियो । पछि उनीहरुले त्यस भूभागलाई खुल्ला आकाशमुनीको बन्दीगृह बनाए भनी स्थानीयहरुको भनाई छ ।

गाजा क्षेत्रका ७० प्रतिशत भन्दा धेरै वासिन्दाहरुमा खाधान्नको अभाव छ, ईज्रेलले बेलाबखतमा यस अभावमा झनै समस्या खडा गरिदिने गरेको पाइन्छ ।
लाइभमाण्डु


Loading comments...