बंगलादेशमा सुफी गायक गिरफ्तार
२९ पुष २०७६, मंगलवार १०:४७
ईस्लामबिरुद्ध कुनै प्रतिक्रिया दिन नपाइने बंगलादेशी कानुनको तहत त्यहाँका चर्चित् सुफी तथा लोक गायक शरियात सरकारलाई प्रहरीले गिरफ्तार गरेको छ । अहिले यस विषयको बंगलादेशमा निकै बिरोध र आलोचना र सर्मथन सम्म पनि भइरहेको छ ।
शारियात सरकारलाई डिजीटल सेक्यूरिटी एक्ट अन्तर्गत पक्राउ गरिएको हो, ४० वर्षिय सुफी गायकलाई मिर्जापुर क्षेत्रमा ईस्लाम बिरुद्ध भड्काउने प्रतिक्रिया दिएको आरोप छ ।
USCIRF condemns the arrest of Sufi singer Shariat Sarker in #Bangladesh on #blasphemy charges under the Digital Security Act for comments allegedly made during a December concert and urges the govt to release him https://t.co/Vh6Evtx69L
— USCIRF (@USCIRF) January 14, 2020
डिसेम्बर महिनामा मिर्जापुरमा भएको एउटा कार्यक्तममा स्टेजबाटै ईस्लाम बिरुद्धमा बोलेको आरोपमा शरियात सरकार बिरुद्ध एकजना ईस्लामीक अध्यनकर्ताले मुद्धा हालेका थिए । गतहप्ता धेरै जना नागरीकहरुले मिर्जापुर क्षेत्र र मेयमसिंह क्षेत्रमा गायक शारियातका बिरुद्ध प्रदर्शन पनि गरेका थिए । उन्को पक्राउका लागि रहमान नामक व्यक्तिले यूट्यूबमा एउटा ५९ मिनटको भिडियो हालेका थिए, भाइरल भएको यस भिडियोलाई पछि हटाइयो । शारियातलाई यदि दोषी पाइएमा उनलाई १५ वर्षसम्म कारावास हुन सक्नेछ । १६८ मिलियन मान्छे बस्ने बगंलादेशमा सन् २०१८ मा पास गरिएको सूचना ऐनले सबैको डिजीटल स्वतन्त्रताको हक कटौति गरेको पनि एक थरिको तर्क छ । गतवर्ष कवी हेनरी स्वपनलाई पनि यसै बिधेयक प्रयोग गरि समातिएको थियो ।
