Lifestyle Portal
  •   ३१ श्रावण २०७९, मंगलवार

गौमुल गाँउपालिकाको “जड्याहा कार्ड”, एउटाको उदाहरण अर्कोलाई पाठ !

२ माघ २०७६, बिहीबार १०:०७

बाजुराको गौमुल गाउँपालिकाले लागू गरेको अनिवार्य रुपमा गाउँपालिका भित्र मदिरा सेवनका लागि मदिरा कार्ड अर्थात “जड्याहा कार्ड” प्रभावकारी बन्दै गएको छ । गाउँपालिकाले गत वर्ष असारमा मदिरा नियन्त्रण तथा व्यवस्थापन कार्यविधि २०७५ नै बनाएर कार्यान्वयनमा ल्याएको हो र त्यस पछि नै मदिरा सेवन, बिक्रिवितरणमा ब्यापक नियन्त्रण र सुधार आएको बताइन्छ ।

गाउँपालिका प्रमुख हरिबहादुर रोकायाले जनताको स्वास्थ्य हेरेर मदिरा नियन्त्रण सुरू गरेको बताए।

दुई सय जनाले मदिरा पिउने परिचय–पत्र बनाइसकेका छन् ।

जनप्रतिनिधि र कर्मचारीका परिवारले मदिरा बिक्री गर्न पाउँदैनन्। यति मात्र नभएर गाउँपालिकाले १८ वर्ष मुनिकालाई मदिरा किन्न र खानसमेत रोक लगाएको छ । बिनाकार्ड रक्सी किनेको र खाएको फेला परे एक पटकका लागि दुई हजार रूपैयाँ जरिवाना तिराउने प्रावधान छ ।

दैनिक १८० मिलिलिटरभन्दा धेरै रक्सी पिउन समेत रोक लगाइएको छ । बियर हो भने एक बोतल मात्रै, अध्यक्ष रोकायाले भने कति रक्सी पियो भन्ने जानकारी सेवनकर्ताले बोकेको कार्डमा उल्लेख गरिन्छ।

रक्सी पिउनेले कार्ड बनाउँदा पाँच सय र वार्षिक नवीकरण गर्दा पाँच सय रूपैयाँ गाउँपालिकालाई बुझाउनुपर्छ । बाहिरबाट त्यहाँ पुगेका आगन्तुकले भनें रु २०० तिरेर यस्तो कार्ड बनाउनु पर्ने प्रावधान छ ।

मदिरा नियन्त्रणका लागि वडाध्यक्ष वा उसले तोकेको व्यक्तिको संयोजकत्वमा प्रहरीसमेत रहने गरी सात सदस्यीय अनुगमन समिति समेत बनाइएको छ । कसैले नियम उल्लंघन गरेर मदिरा उत्पादन, बिक्री–वितरण गरे पहिलो पटक भए दस हजार र सोही व्यक्ति दोहोरिएमा २० हजार जरिवाना तोकिएको छ ।

 

प्रतिक्रिया दिनुहोस !
सम्बन्धित खबरहरु

भारत सरकारको अनुदान सहयोगमा तनहुँ जिल्लाको घिरिङ गाँउपालिकामा अवस्थित श्री दिपक माध्यमिक विद्यालयको नवनिर्मित भवनको उद्घाटन भएको छ । भारतीय

भारत सरकारको अनुदान सहयोगमा सिन्धुली जिल्लाको कमलामाई नगरपालिका–६ मा अवस्थित सिन्धुली सामुदायिक टेक्निकल इन्स्टिच्यूटको नवनिर्मित शैक्षिक भवनको उद्घाटन सम्पन्न भएको

विपद् न्युनीकरण प्रयासमा नेपाललाई निरन्तर सहयोग गर्ने हाम्रो प्रतिबद्धता अनुरुप नेपालका लागि भारतीय राजदूत नवीन श्रीवास्तवले गृह मन्त्रालय, सिंहदरबारमा आयोजित

भारत सरकारको अनुदान सहयोगमा डोटी जिल्लाको जोरायल गाउँपालिका–४ कुण्डीकोटमा अवस्थित श्री घण्टेश्वर माध्यमिक विद्यालयका लागि निर्मित विद्यालय भवन तथा छात्रावास