“द भ्वाइस अफ नेपाल” विशुद्ध सांगितिक रियालिटि शो

सांगितिक रियालिटि शो जगतका उत्कृष्ट गायन शोहरुको नाममा अग्र स्थानमा “द भ्वाइस” लाई लिइन्छ । सन् २०१० देखि नेदरल्याण्ड बाट शूरु गरिएको द भ्वाइस अहिलेको समयसम्म आइपुग्दा १९३ देशमा प्रसारण हुदै आइरहेको छ । सामाजिक सञ्जालहरुमा द भ्वाइसका पेज तथा युटियुवमा भ्युअरको संलग्नता निकै बढि रहेको छ । अन्तराष्ट्रिय स्तरमा Gwen Sebastion, Cassadeep pope, The Swon brothes , Danielle Dreadbery, Raelynn, Tessanne chin, Josh Kasfman, Sawyee Frederks जस्ता विभिन्न प्रतिभाहरुको खोजी र विकास गर्न द भ्वाइस सफल भएको ।

यसै बर्षबाट शुरुवात गरिएको द भ्वाइसको नेपाली संस्करण निकै लोकप्रिय भइरहेको छ । अन्य सांगितिक रियालिटि शो भन्दा केही फरक शेलीको कारणले पनि द भ्वाइस अफ नेपालको श्रृंखलाहरु दर्शकहरुको मन जित्न सफल भएको छ । ब्लाइन्ड अडिसन, ब्याटल राउन्ड तथा लाइभ राउडको फरक अनुभब नेपाली दर्शकहरुले गर्न पाएका छन् । द भ्वाइस विश्वप्रसिद्ध सांगितिक रियालिटि शो हो , यसमा गायनलाई निकै गम्भिर रुपमा लिइन्छ र अन्य पक्षहरुको यो कार्यक्रममा कुनै अर्थ रहदैन । यसमा प्रयोग हुने शब्दहरु बाट नै यसको गहिराईलाई प्रस्तुत गर्दछ । द भ्वाइसमा विभिन्न क्षेत्रबाट सहभागिहरुलाई प्रतिस्पर्धीको रुपमा नभई ट्यालेन्टको रुपमा सम्बोधन गरिन्छ भने यस कार्यक्रममा कोचहरु रहनुहुन्छ , जसले सांगितिक यात्रामा मार्ग दर्शनको कार्य गर्नुहुन्छ । द भ्वाइस अफ नेपालको मञ्चमा नेपाली सांगितिक क्षेत्रका महान हस्तीहरु दिप श्रेष्ठ, प्रमोद खरेल, अभाया सुब्बा र सनुप पौडेल कोचको रुपमा हुनुहुन्छ ।

डिजिटल अडिसन मार्फत सहभागीहरु छनोट गरिएको द भ्वाइस अफ नेपालमा नेपाल लगायत भारत, जापान, अष्ट्रेलिया, दुबई र इन्डियाबाट समेत आफनो सहभागिताको लागि अडिसनमा सहभागि भएका थिए । कुनै पनि व्यक्ति सांगितिक क्षेत्रमा आउनु पछि उसको आफनो बिधालाई प्रमुख मानिन्छ र त्यहि विधामा रहेर सांगितिक क्षेत्रमा अगाडि बढ्न खोजिरहेको हुन्छ् । अन्य रियालिटि शो भन्दा पृथक रहेको द भ्वाइसमा ट्यालेन्टलाई आफनै विधामा रहेर आफनो यात्रा अघि बढाउन मद्दत गर्दछ । यस सांगितिक रियालिटि शोमा ट्यालेन्टले आफना कोचहरु मार्फत आफनो क्षेत्रभित्रै रहेर सिक्ने अवसर प्राप्त गर्दछन् । यस कार्यक्रमममा ट्यालेन्टको आवजलाई विशेष प्राथमिकता दिइन्छ । यो विशुद्ध सांगितिक कार्यक्रम भएको हुँदा, संगित बाहेक अन्य पक्षहरुलाई यसमा समावेस गरिदैन र अन्तराष्ट्रिय कार्यक्रमको स्वरुपमै रहेर सञ्चालन हुन्छ । पहिलो संस्करण भएको हुदा दर्शकहरुले यस कार्यक्रमको शैलीलाई बुझन समय लाग्ने र पछिल्ला संस्करणबाट दर्शकलाई सहज लाग्ने द भ्वाइस अफ नेपालको निर्देशक लक्षमण पौडेल ज्युले बताउनु भयो ।

द भ्वाइस अफ नेपाल प्रत्येक शनिबार र आइतबार बेलुका ९ बजे कान्तिपुर टेलिभिजन  मार्फत प्रसारण भइरहेको छ । टयलेन्टहरु सेमिफाइनलको यात्राको लागि निकै मेहनेत गरिरहेका छन् साथ साथै भोटिङ्ग क्यामपिङ्ग पनि चलिरहेको छ ।नेपालको पहिलो द भ्वाइस अफ नेपाल छान्ने अधिकार दर्शकहरुमा रहेको छ । भोटिङ्गकै आधारमा ट्यालेन्टहरुको यात्रा तय हुने छ ।