हेर्नुहोस् कमेडियन कपील शर्माको “मुटुको टुक्रा”
२ माघ २०७६, बिहीबार २२:०९
सन् २०१९ को डिसेम्बर १० मा कपिल शर्मा पिता बनेका हुन्, उनकी एक छोरी छिन् । भारतीय कमेडीको क्षेत्र अनि टेलीसिरियल जगतमा सानो पर्दामा कमेडि शो कमेडि विथ कवि शर्माबाट कपिल भारतमा असाध्यै चर्चामा छन् । सहकर्मीसँगको नियमित विवादका श्रृंखलाले करियरमा निकै ओरालो पनि लागिसकेका कपिल अहिले आएर फेरि चर्चामा आएका हुन्, भारतको सानो पर्दाका कार्यक्रमहरुमा कपिल को शो को दर्शकहरु सर्वाधिक भएको रेकर्ड पनि छ ।
Meet our piece of heart “Anayra Sharma” ❤️ ? #gratitude pic.twitter.com/2z1dNco7Iz
— Kapil Sharma (@KapilSharmaK9) January 15, 2020
उनले भर्खरै आफ्नी छोरीको फोटो आफ्नो आधिकारीक ट्वीटर ह्याण्डिलमार्फत् शेयर गरेका छन्, उनका फ्यानहरु कपिल बुवा बनेको थाहा पाएर औधि खुशी त थिए तर छोरीका तस्वीरहरु गुपचुप नै राखिएपछि कपिलका फ्यानहरु अलिक दुखी पनि थिए ।
भर्खरै कपीलले “भेट्नुहोस् हाम्रो मुटुको टुक्रा अनायरा शर्मा” भनेर छोरीको तस्वीर ट्वीट गरेका छन् । यो समाचार तयार पारुञ्जेलसम्म ९ लाख भन्दा पनि धेरैपटक रिट्वीट भएको यस ट्वीटलाई ६० हजार भन्दा धेरैले अहिलेसम्म लाइक्स गरिसकेका छन् ।
छोरी जन्मेको भोलीपल्टै कपील आफ्नो शो मा पुगेका थिए, उनले चलचित्र छपाकको प्रोमोशन गर्न आएकी दिपीका पादुकोनलाई आफ्नी छोरीको तस्वीर फोनमा देखाएका पनि थिए ।
कपीलले गिन्नी चतरथसँग सन् २०१८ मा विवाह गरेका हुन् ।
