एट्लान्टीक सागर ३५ दिनमा डुङ्गामा तरेर बिश्वरेकर्ड राख्ने ३ दाजुभाई


यो भर्खरैको घटना हो अनि अत्यन्त रोमाञ्चक र पत्यार नलाग्ने कुरा भएको छ । पृथ्वीको पूर्ण भागको करिब २० प्रतिशत त यसै एट्लान्टीक महासागरले ओगटेको छ भनें पृथ्वीका सम्पूर्ण पानीमध्य २९ प्रतिशत चाँही यसै महासागरमा रहेको छ । भन्दै क्रस एट्लान्टीक भनिने यस महासागरमाथिको यात्रालाई छोट्याउन कहिले कन्कर्ड बिमान त कहिले एयरवस ३८० को आविष्कार भयो । तर अहिले ३ जना स्कटल्याण्डका बहादुर दाजुभाईले मिलेर यस महासागरलाई ३५ दिनमा नै तरेर देखाइदिएका छन् ।


एट्लान्टीकले पुरानो बिश्वलाई नयाँ बिश्वसंग छुट्याएको छ भन्ने भनाई नै छ । अब आउनुहोस् यि साहसी यूवाहरुको बारे चर्चा गरौं, जानी, ईवान र लाछलन म्याक्लीन ३ जना सहोरद दाजुभाइहरु हुन् जस्ले ३५ दिनमा डुङ्गा खियाएर यो महासागरलाई जितिदिए । १२ डिसेम्बरमा केनरी आइल्याण्डको ला गोमेरावाट शुरु गरेको यात्रालाई यिनीहरुले ३००० माइल पर एन्टीगुवामा लगेर एट्लान्टीकको अर्को पारमा समापन गरे ।

यो ४८२८ किमी को दुरि हुन्छ जहाँ केवल समुन्द्र र लहरहरु मात्र पाइनेगर्दछ । यसअघि एट्लान्टीकलाई डुङ्गामा तर्ने रेकर्ड ४१ दिनको थियो । यात्राका दौरान क्रिस्मस, नयाँवर्ष सबै यि दाजुभाईले डुङ्गामा नै बनाए भनें समयमा नै एन्टीगुवा पुग्नलाई उनीहरु अत्याधिक मेहनत गरेको र यात्राका कारण समुन्द्री बिरामी, रिंगटा लाग्ने अनि डुङ्गामा ब्याट्रीको समस्या लगायत धेरै समस्याहरु उनीहरुले सामना गरेर रेकर्ड बनाएको बताएका छन् । यि दाजुभाईहरु संगितकार पनि हुन्, समुन्द्रको तापमान र नुनिलोपनाका कारणले उनीहरुको आइप्याड, म्यूजिक सिस्टम आदि बिग्रेपछि आफूलाई मनोरञ्जन दिन उनीहरुले आफ्नो परम्परागत ब्यागपाइप, यूकुलेले, हार्मोनीका आदि बजाएको बताएका छन् । कान्छा भाई चाँही २७ वर्षका छन्, जेठा र माइला जानी र लाचलनचाँही ग्लासवर्क स्क्ुल आफ आर्टसमा अध्यनरत छन् । उनीहरु यस रेकर्डबाट उठेको रकम फीडब्याक म्याडागास्कर एण्ड चिल्ड्रन फस्र्ट नामक संस्थालाई दान दिन चाहन्छन् ।


Loading comments...