Lifestyle Portal
  •   २१ असार २०७९, मंगलवार

छाउपडी प्रथा विरुद्ध प्रहरीको सचेतना, पूर्वमिस नेपाल श्रृंखलाको साथ

८ माघ २०७६, बुधबार १७:०८

सुर्खेत, ८ माघ । कर्णाली प्रदेश प्रहरी कार्यालय सुर्खेतका प्रमुख प्रहरी नायव महानिरीक्षक पुर्णचन्द्र जोशीको प्रमुख आतिथ्यमा समुदाय-प्रहरी साझेदारी कार्यक्रम अन्तर्गत पञ्चपुरी नगरपालिका-७ पैसारास्थित मालिका माविको प्राङ्गणमा छाउपडी प्रथा सम्बन्धी सचेतनामूलक कार्यक्रम सोमबार सम्पन्न भएको छ ।

छाउपडी प्रथा सम्बन्धी सो सचेतनामूलक कार्यक्रममा पञ्चपुरी नगरपालिका-७ का वडा अध्यक्ष, वडा सदस्य, विद्यालयका प्रध्यानाध्यापक, शिक्षक, शिक्षिका, विद्यार्थीहरु लगायत स्थानीय बासिन्दाहरुको सहभागिता रहेको थियो । उक्त अवसरमा सो विद्यालयका विद्यार्थी लगायत स्थानीय महिलाहरुलाई रजस्वला हुँदा प्रयोग गर्ने विभिन्न सामाग्रीहरु राखिएको १७० थान Dignity Kit Bag समेत प्रदान गरिएको थियो ।

सो अवसरमा समुदाय-प्रहरी साझेदारी अन्तर्गत स्थानीय तहको समन्वय र प्रहरी तथा स्थानीय बासिन्दाको सहभागितामा पञ्चपुरी नगरपालिका-७ पैसारास्थित चार घरले प्रयोग गर्ने गरी बनाइएको छाउगोठ समेत भत्काइएको छ ।

कार्यक्रममा जिल्ला प्रहरी कार्यालय सुर्खेतका प्रमुख प्रहरी उपरीक्षक दिल्ली राज पन्त, प्रहरी प्रधान कार्यालयका प्रहरी उपरीक्षक शेखर खनाल, पूर्वमिस नेपाल श्रृंखला खतिवडा लगायत स्थानीय बासिन्दाको उपस्थिति रहेको थियो ।

नेपाल प्रहरीले स्थानीय तहको समन्वयमा हालसम्म प्रदेश नम्बर ६ मा १ हजार ४ सय ७२ वटा र प्रदेश नम्बर ७ मा ३ हजार ५ सय ९३ गरी जम्मा ५ हजार ६५ वटा छाउगोठ तथा टहराहरु भत्काइएको छ । नेपालको सुदूरपश्चिम र कर्णाली प्रदेशमा नेपाल प्रहरीले छाउपडी प्रथा नियन्त्रणका लागि बिशेष अभियान संचालन गरिरहेको छ ।

सबै तस्वीर तथा सामाग्रीः नेपाल प्रहरी

प्रतिक्रिया दिनुहोस !
सम्बन्धित खबरहरु

असार १९, वीरगंज । विश्व हिन्दू परिषद् नेपाल, पर्सा निकट युवाहरुद्वारा पर्सा जिल्लाको वीरगञ्ज महानगरपालिकामा विरोध प्रदर्शन गरिएको छ ।

भारत सरकारको अनुदान सहयोग अन्तर्गत नेपालका विविध हितग्राही संस्थाहरुलाई ७५ वटा एम्बुलेन्स र १७ वटा विद्यालय बस उपहार प्रदान गरिएको

नेपालका लागि नवनियुक्त भारतीय राजदूत नवीन श्रीवास्तवले आज राष्ट्रपति भवन, शितल निवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारी

नेपालका लागि नव–नियुक्त भारतीय राजदूत महामहिम नवीन श्रीवास्तव आज काठमाडौं आइपुग्नुभएको छ । श्रीवास्तव करियर कूटनीतिज्ञ हुनुहुन्छ । काठमाडौं आउनु