मृत्यू निश्चित छ अनि मान्छेहरुको मृत्यू पछिको दाहसंस्कारको आआफ्नो चलनहरु छ । धर्म अनि संस्कार अनुसार यी कुराहरु फरक फरक हुन्छन् यद्धपी चाहे हिन्दु धर्म होस् या ईसाई धर्म तर मृतकको अस्तु राख्ने चलन भने परापूर्व कालदेखि नै चलिआएको हो । अस्तुको संरक्षण गरेर राख्ने चलनलाई भने पश्चिमा देशहरुका चर्चहरुले निकै बिरोध गरेको पाइयो यद्धपी ग्रिसमा भने पहिलोपटक अस्तु राख्न मिल्ने चिहान घर सञ्चालनमा आएको छ । अस्तु राख्नका लागि शवलाई जलाउन पर्ने हुन्छ तर ईसाई धर्मावलम्बीहरुले मृतकको शरिर गाड्नुपर्ने संस्कृति रहिआएको छ । चर्चहरु शवलाई जमिनमा गाड्न पर्ने कुरालाई जोड दिन चाहन्छन् यद्धपी ग्रिसका मान्छेहरु भने जमिनमा गाड्नुको साटो बिद्युतिय शवदाहमा जलाएर अस्तुलाई एउटा भाँडोमा राखि त्यहाँ त्यो अस्तु सुरक्षित राख्न चाहन्छन् । यसो गर्दा उनीहरु आफ्ना प्रियजन तथा आफन्तको याद आउँदा अस्तु छेउमा गई सम्झना र तिर्सना मेट्न पाउने अवसर पनि पाउने बताउँदछन ।

Greece’s first and only crematorium opens despite pushback from the church, via @pritheworld: https://t.co/sYVSdeD7sB pic.twitter.com/wTia7jcBf2

— The Week (@TheWeek) January 4, 2020

ग्रिसको यो शवदाह निजी क्षेत्रबाट चलाइएको हो, एथेन्स बाहिरको शहर रिस्टोनामा यस शवदाह भएपनि देशैभरिबाट मान्छेहरु यहाँ आफन्तको शव लिएर आउने र अस्तु संरक्षण गर्न दिएर जाने पाइन्छ । ग्रिसको अधिकतम जनसँख्या अर्थोडक्स क्रिस्चियन हुन् जो अलिक कडा र धर्मपरोक्ष मानिन्छन यद्धपी शवदाहको कुरामा भने उनिहरु शवलाई जलाएर अस्तु राख्न तर्फ अग्रसर भएको पाइएको छ । यस अघि ग्रिसका मान्छेहरु आफ्नो ल्याकतले भ्याएसम्म आफन्तको शवलाई जलाउन बुल्गेरिया जाने गर्दथे तर त्यहाँ लाँदाको प्रक्रिया अनि त्यहाँको पुरानो र धेरै धुँवा आउने शवदाहका कारणले उनीहरु बुल्गेरिया जान छासडसकेका थिए । अब सिस्टोनीयाको यस शवदाहमा भीड त बढ्न थाल्यो तर यस कार्यको बिरोधमा स्थानीय चर्चहरुको विरोधको स्वर पनि यससँगै बढ्न थालेको छ ।