बंगलादेशले दश हजार शरणार्थी रोहिगिंया बालबालिकालाई शिक्षा दिने
१६ माघ २०७६, बिहीबार २२:५१
बंगलादेशमा शरण लिई बसेका १० हजार रोहिगिंया बालबालिका हितमा बंगलादेश सरकारले शिक्षा दिने गरेको निर्णयको विश्वभरका अधिकारकर्मी अनि अभियन्ताहरुले स्वागत गरेका छन् । साँघुरो क्याम्पमा बंगालको खाडी तटका गाँउहरुमा बसोवास गरिरहेका रोहिगिंयाका बालबालिकालाई शिक्षा प्रदान गर्ने बंगलादेशको निर्णयलाई विश्व समूदायले स्वागत गरेको हो ।
सन् २०१७ मा आफ्ना बुवाआमासँग म्यानमारमा भएको ब्यापक नरसंहारको भयबाट सास्ती खेप्दै बंगलादेश छिरेका रोहिगिंया बालबालिकाहरुलाई यसअघि केहि गैरसरकारी संस्था र संयूक्त राष्ट्र संघका निकायहरुबाट प्राथमिक शिक्षासम्म दिने ब्यबस्था गरिएको भएतापनि बंगलादेश सरकारकै तहबाट भने कुनै शिक्षाका कार्यक्रमहरु प्रदान गरिएको थिएन ।
युनिसेफले आज एउटा ट्वीट गर्दै १० हजार रोहिगिंया बालबालिका हितमा बंगलादेश सरकारले लिएको निर्णयको प्रशंसा गरेको छ
It’s their right. This important step provides 10,000 Rohingya refugee children and young people with hope for a brighter future. #ForEveryChild, education. https://t.co/4IMYgJAQl4
— UNICEF (@UNICEF) January 30, 2020
गत वर्ष बैशाखमा चाँही यूनिसेफ र बंगलादेश सरकारको संयोजनमा करिब १० हजार रोहिगिंया बालबालिकाले शिक्षा लिने बातावरण बनेको थियो, यस वर्ष बाट बंगलादेश सरकार स्वयमले सबै रोहिगिंया बालबालिकालाई म्यानमारको बिद्यालय पाठ्यक्रम अनुरुप पढाउने भएको हो । महबुब आलम तलुकदार बंगलादेशका शरणार्थी आयोगका प्रमुख हुन्, यिनका अनुसार अब बंगलादेश सरकारले पढ्ने उमेर भएका रोहिगिंया बालबालिकालाई म्यानमारको पाठ्यक्रम अनुसार बढाउने ब्यबस्था गर्नेछ । उनीहरुले म्यानमारी भाषा मै म्यानमारी बिद्यालय कै पाठ्यक्रम पढ्नेछन् ।
सन् १९८२ मा नै म्यानमार सरकारले नागरीकता नदिएपछि राज्य अनि राष्ट्रियताविहिन भएका रोहिगिंयाहरुले नयाँ आवासका रुपमा बंगलादेश पाएका त हुन् यद्धपी बंगलादेश पनि दीर्घकालसम्म रोहिगिंयाहरुलाई राख्न सक्ने अवस्थामा भने छैन ।
