बिबिसीले आफ्नो न्यूजरुमलाई आधूनिकिकरण गर्ने भएको छ, यसका कारण बिबिसीले चार सय पचासभन्दा बढी कर्मचारीहरुलाई घर फर्काउने निर्णय लिएको छ । बेलायतमा आधारित पव्लीक सर्भिस ब्रोडकास्टरले लागत घटाउन अनि आधूनिक संरचनाहरु न्यूजरुममा लागू गर्न यो निर्णय लिन लागेको बताइन्छ । न्यूज नाइट, रेडियो ५ लाइभ अनि न्यूज आउटपुटमा गरि ४५० कार्यरत कर्मचारीहरु अब घर फर्किने छन् । यसका अलावा भावी दिनमा प्रस्तोताहरुको पनि पूनरावोलोकन गरिने बताइएको छ, फ्रान अनवर्थस बिबिसीका न्यूज र करेन्ट अफेयरर्सका निर्देशकले बताएका हुन् ।

Two very different headlines of the same news: one for internal staff, one for how the BBC publishes the news to its audience: #bbccuts pic.twitter.com/m5hpwtJVIJ

— Melissa Hogenboom BBC (@melissasuzanneh) January 29, 2020

बिबिसी पछिल्ला दिनमा पाका पुस्ताको मात्र रोजाईमा पर्दै गएकाले बिबिसीले सन् २०१६ मा बिबिसी ३ भनेर यूवाहरु केन्द्रित च्यानल अनि डिजिटल इन्टरचेन्सनमा प्रसारण केन्द्रित गरेको थियो । अनवर्थसका अनुसार अब बिबिसी हरेक पुस्ताहरुको मुखपत्र बन्न चाहन्छ । विश्व राजनितीमा नयाँ नयाँ मुद्दाहरु अनि तर्कहरु पैदा गर्ने बिबिसीको न्यूज नाइट कार्यक्रममा पनि अब कभर गरिने कथाहरु अनि अन्तरवार्ताका श्रृंखलाहरु कम हुनेछन् ।

खेलकूदमा आधारित कार्यक्रमहरु प्रसारण गर्ने ‘रेडियो ५’ अनि ‘रेडियो ४’ को टुडे कार्यक्रम पनि अब प्रभावित हुनेछन् । भर्खरै बिबिसीको लाइसेन्स शुल्क व्यवस्थापनमा बिबिसीले ८० मिलियन पाउण्ड जोगाएको छ यद्धपी बिबिसी अहिले किन लागत घटाउने र सामाग्रीहरुमा सम्झौता गर्ने निर्णयमा पुगेको हो भन्ने चाँही बुझ्न सकिएको छैन ।

अब विश्व अंग्रेजी सर्भिसमा वर्ल्ड अपडेट श्रृंखलाहरु पनि हट्नेछ । अब हेरौं बिबिसी केन्द्रको यस निर्णयले विश्वभर छरिएका बिबिसीका रिजनल कार्यालयहरुमा कस्तो प्रभाव पार्नेछ ?