सोनिया गान्धी अस्पताल भर्ना
२० माघ २०७६, सोमबार १०:०८
फेब्रुअरी २ तारिख को साँझ अचानक असह्य रुपमा पेटमा पीडा भएपछि ‘भारतीय काँग्रेस आई’की नेतृ सोनिया गान्धीलाई अस्पताल भर्ना गरिएको छ । गान्धीलाई दिल्लीको सर गंगाराम अस्पतालमा भर्ना गरेर राखिएको छ । काँग्रेस आई की सर्वोच्च नेतृ सोनियालाई थप उपचारका लागि राखिनु पर्ने र धेरै जाँचहरु गरिनु पर्ने बताइएको छ भनी अस्पताल प्रशासनलाई उदृत गर्दै ‘द हिन्दु’ले लेखेको छ ।
Congress president Sonia Gandhi admitted to the Sir Ganga Ram Hospital#SoniaGandhi https://t.co/XQbFCWn1Nv
— Business Standard (@bsindia) February 2, 2020
साँझको ७ बजे गान्धीलाई अस्पतालमा भर्ना गरिएको अस्पतालको विज्ञप्तीमा उल्लेख छ । उनलाई ज्वरो र श्वाँसप्रश्वास समस्या भएको अस्पताल प्रशासनले बताएको छ । ‘भारतीय काँग्रेस आई’की अध्यक्ष सोनियाले स्वास्थका कारण शनिवारको दिनको संसदको बजेट कार्यक्रममा समेत सहभागी हुन नसकेको बताइएको छ ।
आसन्न महाराष्ट्रको चुनावको राजनैतिक दौडधुपमा ब्यस्त रहेकी सोनियाको भारतीय संसदमा रणनैतिक महत्व रहेको पाइन्छ, उनका छोरा राहुल र छोरी प्रियंका पनि अस्पतालमा रहेका बताइन्छ । ७३ वर्षिय सोनिया गान्धीको स्वास्थका बिषयलाई लिएर विश्वभरबाट सन्देश अनि शुभकामनाहरु आइरहेका छन् । सन् २०११ मा सोनियाको एलमेन्टको सर्जरी अमेरिकामा भएको थियो ।
