दक्षिण भारतको केरलास्थित एक आवासीय भवनका स्थानीयहरुको धाराहरूबाट विभिन्न मदिराजन्य तरल पदार्थहरु बग्न थालेपछि अचम्भित भएका छन् ।

आइतबार राति सबैथोक ठिकठाकै रहेको ति क्षेत्रका स्थानीयहरुको घरमा सोमवारको बिहानी भने अलि फरक थियो उनीहरूको भान्सामा राखिएका खानेपानीका धाराबाट अचम्मले मदिराको गन्ध सहितको मैलो तरल बग्न थाल्यो । धारामा पानीको साटो मदिराको गन्ध सहितको तरल बगेको देखेर आश्चर्यचकित बनेका स्थानीयहरूले त्यहाँका स्थानीय प्रशासनमा यस सम्बन्धमा गुनासो पोखे । छानबिनको क्रममा उनीहरूले स्थानीयको धारामा सप्लाई गर्ने प्रयोजनले पानी पम्प गर्न प्रयोग गरेको इनारको पानी दुर्घटनावश दूषित भएको भेटिएको छ ।

Water turned to -not wine but- alcohol for the residents of Solomon’s Avenue Flat in Kerala’s Thrissur district one morning.

Though, after investigation they found it wasn’t Jesus this time.https://t.co/mHeZwrzR1K

— Asiaville (@AsiavilleNews) February 5, 2020

इनारनजिकै स्थानीय अधिकारीहरूले जफत गरेको ६ हजार लिटर मदिरा नष्ट पारिएको रहेछ । जसका कारण इनार दूषित हुन पुगेको हो । अदालतको आदेशपछि जफत गरिएको मदिरालाई नजिकै एउटा खाल्टोमा हालिएको थियो जुन विस्तारै खानेपानीको श्रोतको रुपमा तयार पारिएको त्यस क्षेत्र नजिकैको इनारसम्म पुगेको हो ।

मदिराले दूषित बनेको त्यस इनारलाई केरलास्थित त्रिस्सूर जिल्लाका आवासीय भवनका १८ वटा फ्ल्याटमा पानी तान्ने कार्यका लागि प्रयोग गरिंदै आइएको थियो ।

मदिरा मिसिएको पानी पुगेको उक्त आवासीय भवनका मालिक जोशी मालिएक्कले स्थानीय मेडियासँगको कुराकानीका क्रममा, “हामी त छक्कै पर्‍यौँ, धन्न त्यस दूर्गन्धित पानीको प्रयोग यहाँ बस्नेहरुले गरेनन । पिउने र कपडा धुन पानी नभएपछि समस्याको सामना गर्नुपर्यो । बच्चाहरू विद्यालय जान पाएनन् भने अभिभावकहरु आ-आफ्नो काममा जान पाएनन् ।”

इनार यति दूर्घन्धित र दूषित छ की पानी पम्प गरेर इनारको पानी पिउने लायक बनाउन महिनौँ लाग्नसक्ने देखिएको छ । त्यस आवासिय भवनमा दैनिक ५ हजार लिटर पानी आपूर्ति गर्ने गरिएको थियो । जुन त्यहाँ बस्ने सबैलाई पर्याप्त छेन ।

जैविक विविधता, प्राचित केरल सभ्यता, नृत्य र सङ्गीतका लागि विख्यात केरला हरेक वर्ष सार्वजनिक हुने सरकारी तथ्याङ्क अनुसार भारतमा सर्वाधिक मदिरा खपत हुने राज्यको रुपमा पनि परिचित छ ।