सालकले मानवमा फैलाएको हुनसक्छ ‘कोरोना भाइरस’को संक्रमणः अध्ययन
२६ माघ २०७६, आईतवार १९:३८
कोरोना भाइरस संक्रमणका बिभिन्न तथ्यहरु आइरहेका छन्, हालै चमेरा र मानव बिचको संक्रमण चक्रको तथ्य पनि फेला परेको हो । अहिले चमेरो र मानव संक्रमण चक्रमा नयाँ जीव सालक (पेन्गोलीन – Pangolins)को भूमिका फेला परेको छ । सालक सानो खबटाहरु भएको जीव हो जुन हेर्दा छुचुन्द्रो अथवा मुसा झैं देखिन्छ र यो नेपालमा पनि पाइन्छ । सुरक्षा सम्बन्धि पहिरन बनाउने कम्पनिहरुमा यसको अत्यधिक माँग हुन थालेपछि २० को दशकदेखि नै एसियन राष्ट्रहरुबाट यसको चोरी तस्करी हुँदा अहिले यो संरक्षित जीवको सूचिमा छ ।
चिनिँया अध्ययनकर्ताहरुका अनुसार यस दुर्लभ जीवको सहभागीता कोरोना संक्रमण वृद्धि गर्नका लागि निकै पाइएको हो भन्ने निश्कर्ष निकालेका छन् । चीनमा मात्र ७२० जनाको मृत्यू (अधिकांश चिनिया नागरिक) भएको र विश्वभरि ३७ हजार भन्दा बढि मानिसहरुमा फैलिएको छ ।
#Pangolins may have spread #coronavirus to humans, researchers found https://t.co/9yTJOIkFU4 via @Guardian | The disease has killed over 720 people worldwide as of today, mostly in China.
Int’l trade in all 8 species of #pangolin is prohibited under CITES. ?by @greatbigstory pic.twitter.com/MaOTQlHUOS
— CITES (@CITES) February 8, 2020
कोरोना भाइरसको संक्रमणमा चमेरोको सहभागीता समेत यसअघिका अध्ययनहरुमा भेटिएको थियो । मानिसहरुमा भेटिएको संक्रमण चक्र र चमेराको शरीरमा भेटिएको जिवाणु ९६ प्रतिशत मिल्न गएका थिए । सन् २००२ देखि २००३ मा चीनमा नै भएको सार्स महामारीका समय ‘सिभेट’ भन्ने सानो जीवको सहभागीता पाइएको थियो, सिभेटलाई चीनमा बिशेष परिकार मानेर खाने चलन थियो ।
मानव शरीरमा पनि जंगली जेनेटिक बिवरणहरु छन् अनि जंगली स्तनधारी जनावरहरुको शरीरले मानिसमा भाइरस सार्न एउटा करियरको काम गर्न सक्दछन् । चमेराको शरीरमा भएको सेलुलर हार्डवेयर मानव रिसेप्टरमा सार्न सक्ने पाइएको थिएन तसर्थ अध्ययनकर्ताहरुले चमेरो र मानव संक्रमणकाबिचमा अर्को एउटा स्तनधारी जीव रहेको शंका व्यक्त गरिरहेका थिए । ‘सिन्हवा न्यूज एजेन्सी’का अनुसार १०० भन्दा बढि स्तनधारीहरुमा गरिएको अध्ययन पछि सालकको शरीरमा ९९ प्रतिशत मानव रिसेप्टरमा प्रभाव पार्न सक्ने संक्रमण क्षमता छ भन्ने पत्ता लागेको हो ।
हुन त पश्चिमा अध्ययनकर्ताहरु अनि क्याम्ब्रीज विश्वबिद्यालयका प्राध्यापक अनि भाइरोलोजीस्टहरु नै चीनले भने अनुसार सालककेन्द्रित संक्रमणको कारणमा भने चित्त बुझाएको देखिदैन । उनीहरुका अनुसार करियर जनावरको भाइरल आरएनए मात्र जाँचेर पुग्दैन ।
विश्व स्वास्थ्य चुनौति बनेको कोरोना संक्रमणले चीनलाई उको दैनिक खानपान अझ विशेष विभिन्न जनावरहरुको मासु खाने जथाभावी उपभोग गर्ने विषयमा भने गम्भिर ज्ञान दिएको छ । सार्स महामारीका दौरान सुभेटको बिक्रि बितरण रोकेको चीनले के अब सालकलाई (पेन्गोलीन) पनि सावधानीपूर्वक प्रतिबन्ध लगाउनेछ या अरु नै केहि निर्णय अपनाउँछ त्यो हेर्न बाँकी छ ।
