तस्वीरमा वग्दादको हिमपात


युवा र वृद्ध ईराकीहरुका अनुसार वग्दादमा यसरी वाक्लो हिमपात भएको पहिलोपटक उनीहरुले थाहा पाएका, सुनेका अनि देखेका हुन् । यसवर्ष हिँउदमा ईराकको राजधानी वग्दादमा बाक्लो हिमपात भएको छ, मोसुल शहरको तिग्रुस खोलाका किनारहरु सेताम्मे भएका छन् । सन् २००८ मा पनि पातलो हिमपात भएको थियो तर यस वर्ष त हिँउका चाक्लाहरु निकै वाक्ला नै झरेको पाइयो । संभवत वग्दादको यस शताव्दीकै पहिलो वाक्लो हिमपात हो, विगतका १०० वर्षमा ईराकी भूमिले यस्तो हिमपात देखेको थिएन ।

ईराकी मेट्रोपोलोजीकल केन्द्रका अनुसार यूरोपबाट चिसो हावा आएर ईराकमा चिसो ह्वात्तै बढेको हो, वग्दादका मान्छेहरु चिसो भन्दा तातोसंग बाँच्न बढि अभ्यस्त छन् । यस वर्ष ईराकमा सर्वाधिक धेरै तापक्रम ५१ डिग्री सेल्सियस धेरैपटक रेकर्ड गरिएको छ । शिया मुसलमानहरुको पवित्र शहर कार्वलामा पनि कार्पेट ओछ्याइएको झैं हिँउहरु ओछ्याइएको जस्ते देखिन्छ, उत्तरी ईराकमा हिमपात सामान्य नै मानिएपनि वग्दाद आसपासमा भनें भएको हिमपातले सबैलाई अचम्म पारिदिएको छ । सन् २०१८ मा पानीको समस्या भएको ईराकमा पछिल्ला वर्षहरुमा निकै वर्षा अनि बाढीहरु पनि भए, ईराकमा आजभोलीका वर्षहरुमा निकै अचम्मका मौसमहरु भइरहेका छन् । विश्वकै सर्वाधिक गर्मी देशहरु मध्य पर्ने अनि मध्यपूर्वको गर्मीमा अवस्थित ईराकको हिमपातका तस्वीहरु लाइभमाण्डुमा ।
यि तस्वीरहरु हामीले अलजजिरावाट साभार गरेका हौं ।

लाइभमाण्डु


Loading comments...